انتقد الإعلامي محمد طارق أضا، ما كتبه وكيل عبد الله السعيد، لاعب الزمالك، عبر حسابه عقب مباراة الفريق أمام الاتحاد السكندري في افتتاح مباريات الفريقين بالدوري، خاصة بعد وصف أحد أعضاء مجلس إدارة النادي بـ«العضو الصغنن».

وقال أضا، خلال برنامج «الماتش» على قناة «صدى البلد»،: «عيب الكلام اللي كتبه وكيل عبد الله السعيد عن أحد أعضاء مجلس إدارة الزمالك ووصفه بالعضو الصغنن بعد مباراة الزمالك والاتحاد السكندري».

وأضاف: «أتمنى الناس تهدى، والوكلاء تحترم الأندية، لأن اللي بيتقال ده عيب، وياريت يبطل شوية يكتب اللي بيكتبه ده».

وتابع: «عبد الله السعيد لاعب كبير، والكلام اللي وكيله كتبه ده يضره، وياريت يقدر ده. وبعدين هو بيقول عن أحد أعضاء مجلس الزمالك العضو الصغنن ما حضرش الماتش.. طيب ما هو عبد الله برضه ما حضرش الماتش!».

وأشار محمد طارق أضا إلى أن تصريحات وكيل عبد الله السعيد قد تعكس وجود أزمة أكبر من مجرد عدم جاهزية اللاعب، قائلًا: «بالمناسبة، واضح من كلام وكيل عبد الله السعيد إن فيه مشكلة، مش مجرد عدم جاهزية، وواضح إن حساب عبد الله السعيد ماسمعش وما وصلتهوش الفلوس، لأن مش طبيعي اللي بيحصل ده».