أكد الإعلامي عمرو أديب أن هناك أنباء تتردد حاليا بشأن قرب انتهاء الحرب الإسرائيلية على لبنان.

وقال أديب خلال برنامج 'الحكاية' المذاع على قناة 'إم بي سي مصر': 'في شكل كده من أشكال أن الحرب على الأقل في لبنان هتقف على الأقل في لبنان عشان أكون واضح، ومسؤولين إسرائيليين ووزير رايح أمريكا وفي كلام على مفاوضات وكل هذا الأمر'.

وأضاف: 'إنما في نفس الوقت عشان الناس اللي بتاخد الأمور على شكلها من على السطح النهاردة مجلس الحرب الإسرائيلي أذن أنه يتم توسيع الحرب في الجنوب اللبناني'.

وتابع: 'منين الحرب هتقف ومنين في إذن بتوسيع الحرب ثم واضح في حاجة مش بقول فيها كلامين أن عملية خنق حماس في مراحلها الأخيرة اللي هو الحصار الكامل أما الاستسلام أو الفناء'.

وأوضح: 'في خطة معمولة لكدة دلوقت اللي هو محاصرة حماس بأي طريقة وبأي شكل لكي ينتهي الأمر موضوع أن ينتهي الأمر ده حاجة كدة عند ربنا دا أمر لا أستطيع أن أجزم به'.

وأكمل: 'الإسرائيلي بيقول أنا خلصت أنا هزمت حزب الله صحيح أو غير صحيح هذا أمر لا أستطيع أن أجزم به واللي بيعمله الإسرائيلي هو رغبة في الضربة القاضية بيفكروا كيف يوجهوا الضربة القاضية بحيث أنه عندما ينتهي الأمر يكون كل الأهداف قد تم تحقيقها وأكثر'.

وذكر: 'الأيام هي اللي هتثبت ان الأهداف تحققت أو لا، أنا عارف في ناس عايزاني أقول إن الأهداف كلها تحققت وحماس انتهت إلى الأبد وهذا الأمر اتعلمنا منذ سنوات أنه له جولات وعودات إذا كان الكلمة العربي تنفع يعني'.

واختتم: 'إسرائيل الآن في حالة تساؤل إحنا مكملين الحرب دي ليه؟ هل إسرائيل الآن أصبحت أمنة؟ هذا سؤال صعب طيب احنا هنرجع الرهائن ازاي؟ هل هما لسة عايشين والا ماتوا كلهم أو نصهم'.