تغنى علاء ميهوب نجم الأهلي السابق، بأداء الأنجولي شيكو بانزا لاعب الفريق الأول لكرة القدم بنادي الزمالك.

وقال علاء ميهوب في تصريحات عبر قناة “أون سبورت”: 'شيكو بانزا من أول لمسة حسيت إنه لاعب كويس، وعنده ثقة في نفسه ويتميز بالسرعة وقوي'.

أضاف: 'لما خرج وكان مضايق مش اعتراض على المدير الفني ولكن اعتراض على نفسه بأنه عايز يلعب ويظهر نفسه وبيحاول يعمل كل حاجة'.

وتابع: 'لكن طبعًا احترام قرار المدير الفني دي حاجه مفيهاش كلام، لكن كل صفقات الزمالك متأكد إنها كويسة واتشافت مرة واتنين وثلاثة، وجون إدوار عنده خبرة كبيرة في النقطة دي'.

وأكمل: “صعب حد يجي في الأهلي أو الزمالك وتكون صفقة غير مختبرة ولسه هتتشاف، ولكن بتبقى معروفة مثل وسام أبوعلي مثلا لما جه الأهلي”.

وأتم: “لكن الصفقات لازم تأخد وقت، والنسبة الأكبر إنها بتبقى كويسة ومؤثرة”.