طالب الإعلامي أحمد موسى؛ الوزراء في الحكومة الجديدة بالنزول إلى الشارع ومتابعة مشكلات المواطنين والابتعاد عن الاعمال المكتبية مشيرا إلى أن رئيس الوزراء اعتاد على القيام بجولات ميدانية لمتابعة المشروعات المختلفة.

وقال موسى خلال برنامج 'على مسؤوليتي' المذاع على قناة 'صدى البلد': 'الصحة والتموين والتعليم ملفات مهمة؛ المواطن عايز يلاقي اكله وتموينه وحاجته ولازم نسمع وزير التموين ولازم نشوف لسا كنت بقول يوم تشكيل الوزارة لازم السادة الوزراء ينزلوا يشوفوا الناس؛ محتاجين الشارع واللي بيتعمل النهاردة'.

وأضاف: 'رئيس الوزراء النهاردة الدكتور مصطفى مدبولي عامل جولة طويلة راح الفسطاط ومسجد عمرو بن العاص ومعاه وزير الإسكان ووزير التنمية المحلية'.

وتابع: 'رئيس الوزراء عمل جولة وبيستمع من وزير الإسكان لما يتم في حدائق الفسطاط ورئيس الوزراء دايما العمل الميداني وبيحب الشغل وبيروح يشوف وصلنا لايه'.

وواصل: 'رئيس الوزراء كان ليه كلام مهم النهاردة عن المبادرة الرئاسية 100 مليون شجرة؛ شايفين التشجير ومحدش بيقطع شجر؛ ادي حدائق تلال الفسطاط ولازم تطور؛ الحاجات دي كانت قديمة ولازم تطورها'.

واختتم: 'مهم كمان جولات رئيس الوزراء عشان يطمئن على حديقة الازبكية وإعادة احياء الحديقة ودا ضمن مشروع تطوير القاهرة الخديوية؛ الحكومة جاية تشتغل ورئيس الوزراء يوم الخميس قال جملة مهمة أوي مستوقفتش حد؛ قال ياجماعة ادوا الناس فرصة تشتغل لسة الناس حالفة اليمين امبارح وبعدين قال ايه قال احنا هنتابع وبنشوف كل مسؤول بيعمل ايه'.