أشاد الناقد الرياضي خالد طلعت بفريق  بيراميدز هذا الموسم عبر حسابه الشخصي بموقع التواصل الاجتماعي فيسبوك.

و كتب خالد طلعت :بيراميدز في خلال 8 أيام بالظبط ممكن يعمل موسم تاريخي ويتوج بكل حاجة وانجاز غير مسبوق بالتتويج بأهم وأقوى 3 بطولات في الموسم ، وممكن يخسر كل حاجة ويخرج من الموسم خالي الوفاض تماما ويبقى موسم كارثي وكابوس بالنسبة له.

و أضاف:الأربعاء 28 مايو هيلاعب سيراميكا وعنده فرصة الفوز بالدوري لأول مرة في تاريخه سواء بخسارة الأهلي أمام فاركو أو بقرار من المحكمة الرياضية بخصم 3 نقط من الأهلي.

و تابع :الأحد 1 يونيو هيلاعب صن داونز ماتش العودة بالقاهرة وعنده فرصة الفوز بدوري أبطال أفريقيا لأول مرة في تاريخه محتاج بس تعادل سلبي على ملعبه.

وأستكمل :الخميس 1 يونيو هيلاعب الزمالك في نهائي كأس مصر وعنده فرصة للفوز بالكاس،بيراميدز لو كسب دوري أبطال أفريقيا تحديدا هتفتحله أبواب المجد والتاريخ والشهرة والفلوس.

1- هيضمن المشاركة في كأس السوبر الافريقي لأول مرة في تاريخه أمام نهضة بركان المغربي وفرصة تانية للفوز ببطولة.

2- هيضمن المشاركة في كاس انتركونتينينتال للمرة الأولى في تاريخه وبرضه فرصة الفوز ببطولة بطل أفريقيا وأسيا زي الاهلي السنة اللي فاتت وهيلاعب فيها أهلي جدة السعودي

3- هيضمن المشاركة في كاس العالم للاندية سنة 2029 لأول مرة في تاريخه لأنه بيشارك فيه 4 فرق من أفريقيا هم أبطال دوري الأبطال في آخر 4 سنوات

4- هيضمن مكاسب مادية تتخطى 15 مليون دولار أمريكي على الأقل (750 مليون جنيه مصري) مكافأت الفوز بدوري الابطال والمشاركة في كاس انتركونتينينتال وكاس العالم للاندية وطبعا المبلغ ده قابل للزيادة في حال تحقيق نتائج ايجابية في البطولتين.