أشاد الناقد الرياضي خالد طلعت بالدور الذي يقوم به الكابتن حسام حسن مع المنتخب المصري عبر صفحتة على موقع التواصل الاجتماعي فيس بوك.

وكتب خالد طلعت: 'عايز أوضح حاجة مهمة جدا ومش دفاع عن حسام حسن..

حسام حسن بينزل بمعدل الاعمار بمنتخب مصر وبيعمل عملية إحلال وتجديد وده لازم يتعمل وده أنسب وقت.. ليه لأن معدل أعمار المنتخب كان الأعلى في كأس أمم أفريقيا'.

وأضاف: 'عشان كده حسام استبعد عمر جابر وعمر كمال وآحمد سامي وحسين الشحات وياسر ابراهيم وسام مرسي وكلهم لاعيبة مميزين بس كلهم فوق التلاتين'.

وأكمل: 'حسام مبياخدش لاعيبه كبار غير لو كانوا مميزين جدا جدا او مالهمش بديل زي ما حصل مع النني لما استبعده التجمع اللي فات عشان سنه ورجع ضمه تاني لما كسر الدنيا مع المنتخب الاوليمبي'.

واختتم : حسام ضم شباب صغير عشان ينزل بمعدل الاعمار زي شوبير وحمزه وشحاته وكوكا وحمدي وابراهيم عادل واسامة فيصل ودول هيكونوا مستقبل منتخب مصر

حسام بيجهز منتخب وبيختار قايمة لمنتخب مصر في كأس العالم ٢٠٢٦ مش للماتشين الجايين خالص .. واللي بيعمله هو الصح.