وائل جسار.. أصبح الفنان وائل جسار، في صدارة التريند خلال الساعات القليلة الماضية، وذلك بعدما طرح أحدث أعماله الغنائية، 100 إحساس.

علق الفنان وائل جسار على طرح أغنية الجديدة 100 إحساس خلال مداخلته الهاتفية مع الإعلامي عمرو أديب وقال: «نعمل أغاني كتير وتمر مرور الكرام ولا كل ست شهور وتعمل تأثير.. كان عصر الألبومات، دلوقتي عصر السينجل.. وأول ما سمعت كلام الشعر في الأغنية بعتهالي الملحن أحمد نعيم، بالإحساس المرهف والأغاني الجميلة، وعجبني الموضوع واللحن وكل حاجة فيها».

وأضاف: «حاجة جديدة ومليانة إحساس، لو نشوف كل كلمة في الأغنية فيها مشاعر وأحاسيس وإنك ترجع بالزمن وتحس نفسك أول غرام ليك.. وكل دا حسسني بالموضوع لأنه جديد، لما تقول 16 سنة دي مش متقالة، وكلام جديد جدا عاطفي وبمشاعر كويسة جدا، عشان كده حبيت أقدمها للناس».

وتابع وائل: «الناس متعطشة تسمع النوع دا تعيشهم في حالة حب مستمرة، وعاوزين كدول عربية نعيش في حالة حب، عشان انت عارف اللي شوفناه سابقا.. وعاوز أشكر كل الناس اللي دايما بيدعموني بحبهم لي، ودا حافز يخليني أقدم حاجات جديدة وحلوة».

وأكمل: «أي أغنية جديدة، بحط قدامي الناس، هم كل حاجة في حياتي، وفي مسيرتي الفنية لولا الناس دي اللي بتسمعني مليش وجود، لذلك دائما بحرص أقدم أغاني راقية تليق بالعالم العربي وخاصة مصر، مش أي حد يقدر يدخل السوق المصري، والحمد لله بمحبة الناس قدرت أدخل قلوبهم لأنهم دايما في بالي ومدين لهذا الشعب العظيم ويا رب دايما أشوفهم بخير».

طرح الفنان وائل جسار، أحدث أغانيه بعنوان «100 إحساس جديد»، على «يوتيوب» وجميع المنصات الغنائية، وأغنية «100 إحساس جديد»، من كلمات هاني صارو، ألحان أحمد الزعيم، توزيع أحمد عبد السلام.