كشف الفنان الكبير محيي إسماعيل، تفاصيل روتين يومه بمناسبة الاحتفال بليلة رأس السنة الميلادية، قائلًا: “بقضي يومي في السرير، بأكل وبنام عادي”.

وأضاف في مداخلة هاتفية مع الإعلامية فاتن عبدالمعبود ببرنامج 'صالة التحرير' المذاع عبر قناة 'صدى البلد'، “أنا بقضي يومي كله أكل ونوم بس، وبنام في أي وقت”.

وردًا على سؤال فاتن عبد المعبود، حول أول شخص قام بتهنئته بالعام الجديد، قال محيي إسماعيل: “قولت لواحد قريبي بس هو ده كفاية، فكل واحد عارف إن هو كويس وخلاص”.

واستطرد الفنان محيي إسماعيل حديثه، بسرد إفيه على الهواء للإعلامية فاتن عبد المعبود، قائلًا: “عارفة ليه النملة وهيا طالعة الجبل بتأخذ معاها رغيف فينو!.. عشان تقول فينو حبييبي فينو”.

وحول موعد ظهوره على الشاشة المصرية، علق محيي إسماعيل، قائلًا: “لما تيجي الأعمال الفنية هتلاقوني موجود.. ولو مجتش؛ عنها ما جت”.

ووجه الفنان محي إسماعيل، رسالة إلى المصريين بمناسبة العام الجديد، قائلًا: قوة الحب أقوى من حب القوة، ولما نتعب شوية اللي يقوينا هو الحب.

وتابع محيي إسماعيل: مبتفرجش على أي أعمال فنية دلوقتي إلا بظروفها لو حاجة جت حلوة وخلاص.. غير كده بأكل وأنام فقط.

واختتم الفنان محيي إسماعيل حديثه بالإجابة على سؤال ما هو أقرب منافسيك في الوسط الفني، ليرد قائلًا: “لو أم كلثوم ليها منافس، يبقى أنا ليا منافس”.