أكد المخرج أحمد خالد أمين، مخرج مسلسل 'حكيم باشا' لبرنامج لمن يهمه الفن الذى يذاع على نغم إف إم تقديم أميرة نور، أنه تحمس لفكرة مسلسل 'حكيم باشا'، نظرا لأنه أول ظهور للفنان مصطفى شعبان بدور صعيدى، فضلا عن حب الجمهور للدراما الصعيدية، مشيرا إلى أن مصطفى شعبان هو النجم الأطول عمرا فى الدراما التليفزيونية.

وأضاف: 'إن اللهجة الصعيدية صعبة فى البداية فقط، وبعد أول أسبوع بقوا بيتكلموا صعيدى حتى فى الكواليس'.

وتابع: 'اتعودت أنزل لوكيشن التصوير من وأنا صغير مع عائلة المخرجين شريف وعمرو عرفة، وأنا كمان من عيلة فنية'.

واستطرد: 'مراتى من كتر ما اندمجت مع المسلسل بقت بتدور على الورق بتاع المسلسل عشان تعرف هيحصل إيه'.

وتحدث عن دور الفنانة سلوى خطاب فى حكيم باشا قائلا: يعتبر عودة لسلوى خطاب بدور صعيدى مختلف، بعد آخر دور ليها صعيدى فى الضوء الشارد كانت إضافة كبيرة للعمل.

واختتم المخرج أحمد خالد أمين حديثه قائلا: ابنى عنده موهبة فنية، بس أنا مانع فكرة إن ولادى يمثلوا، وأحب إنهم يثبتوا نفسهم فى حاجة تانية عشان الشغلانة بتاعتنا صعبة أوى.