أعربت الإعلامية دنيا صلاح عبد الله، ابنة الفنان صلاح عبد الله عن استيائها من الأنباء المتداولة حول سقوطه وتدهور حالته الصحية خلال الساعات القليلة الماضية، مشيرة إلى أنه كان يشارك الجمهور يومياته فقط.

وردت دنيا صلاح عبد الله، عبر حسابها الرسمي بموقع تداول الصور والفيديوهات «إنستجرام» على الأنباء المتداولة، قائلة: « أحب اطمنكم على بابا هو كويس جدا مفهوش حاجة وكاتب البوست بنفسه زي ما بيحكي كل مرة عن يومياته.. معرفش ليه الناس بتاخده على محمل آخر وتغير الكلام وتكتب منشتات غريبة».

وأضافت ابنة صلاح عبد الله: «هو متعود يحكي يومياته مع الست أم كلثوم والحاجات اللي بتحصله أما بيسمعها، حتى كاتب الكلام كأنه بيعرض مشهد مش قصده أنه يعلن عن إصابة، فصلوحة كويس الحمدلله».

وكان صلاح عبد الله، أعلن عن سقوطه داخل منزله عبر حسابه على «إكس»، مشيرا إلى تعرضه لإصابات طفيفة.

وكتب صلاح عبد الله: « بعد ماكلت بحط الصانية عالباسكت عشان أولع سيجارة كالعادة السخيفة.. الإتنين الصانية والباسكت إتزحلقوا ووقعوا عالأرض.. رحت المطبخ جبت فوطة عشان ألم وأنضف.. هُبه الزحلقة الرهيبة».

وتابع: «أنا بنهار سندت بإيدي الشمال على مكتبي وباليمين عالست وهيا بتغني الأطلال.. ثم بدأت حزمة محاولات الوقوف والست تردد وعدونا فسبقنا ظلنا».

وواصل: «الحمدلله إصابات طفيفة ومش دا المهم.. المهم إني قدرت أقف على حيلي تاني.. طب ليه المنشور دا؟!عشان أقولكم، 'ماأحلي الوقوف بعد الوقوع'آه والله.. وأقولكم كمان كالعادة الحميدة».