و في ما يلي نص الرسالة التي أنزلها مساء اليوم الجمعة 4 أكتوبر 2024 الاستاذ عبد الستار المسعودي على صفحات التواصل الاجتماعي بالفايسبوك:

'لجماعة المقاطعة..اقول لهم..قراركم في مهب الريح/

اشتهر البعض باللآت في جل المحطات السياسية..منذ بن علي قاطعوه..ومكث في السلطة 23سنة..وقاطعو الإخشيدي في انتخابات 'البرلمان'..واعمل واحد على قد يدو..قاطعوه في الغرفة 2..وأعملها ..قاطعوه في الاستفتاء ..وخرجلهم دستور فردي يلعب بساق وحدة ..وتوة جاتهم الفرصة باش يخرجو متكتلين لتغيير المشهد السياسي راسا على عقب..وقالو ..لا..توة في بالهم باش يحسهم هو..تي موش قال نحكم ب10٪؜نظاف..خير من 90في %..خونة ولصوص ووو..وزيد ها الاحزاب اللي ما بقى منها كان اسم بلا مسمى ..باللاهي اش توزن في الميدان..فلولا الجمعيات والمجتمع المدني يناضل ويهبط للشارع..فإنه من الاستحالة بمكان يعبيو ..كار..شوية تواضع منكم..وزيد اكثرهم شاخ وعمر ورافض يعدي المشعل للشباب..واحد 50 سنة مديركل شي..والاخر منو امين عام منو امين مال ..والاخر حتى مقر ما عندوش..حزبو في كرطابة..ومازال يقلك ..قررنا ما نشاركوش..هذا كيف اللي دعا لمقاطعة الموز اللي كان ب7د. واصبح ب19د..واللي دعا لمقاطعة لحم العلوش من 18د..ياخي اصبح 55د..وقيس على الباقي..في الحقيقة كنت نتوقع اللي ها الجهابذة متاع السياسة..باش يطورو ويعدلو مزاجاتهم وتكتيكاتهم..امام خطورة الوضع ومعاناة العباد والمساجين السياسيين اللي ينتظرو هذه اللحظة الفارقة وعائلاتهم تعاني..لكن سيادتهم جالسين في صالون على راحتهم وينظرو..لا والف لا..كيفاش نشاركو ونعطيوه الشرعية..والا نمنمة نخليو ها الغشير في السياسة ..الزمال يولي رئيس..!..توة هذا كلام..الحاصل الجماعة مواقفها متكلسة من عهد بابل..وما اتعضوش بالماضي ولا بتجارب الغير..ياخي وينو الحزب الشيوعي الفرنسي متاع ..لا..والحزب الاشتراكي زادة..هام اندثرو من الخريطة السياسية..والسبب عدم تأقلمهم مع التحولات السسيولوجية..والمجتمعية..ومخ الهدرة..جاب ربي ماهيش احزاب جماهيرية تعبي الشارع..والصناديق..والا الواحد راهو اعتنق الزهد..واصابو النكد…نقلبو الصفحة خير..