كشفت الإعلامية مروة صبري، عن تعرضها لحالة نفسية سيئة خلال هذه الفترة، وهو ما أثار قلق متابعيها على الفيس بوك.

وكتبت مروة صبري عبر حسابها الشخصي على موقع التواصل الاجتماعي فيسبوك: 'مبحبش أكتب حاجة على السوشيال ميديا وتحديدا عن حياتى الشخصية، بس أنا من يوم الوقفة لحد دلوقتى بمر بأوحش وأسود أيام حياتى ومش مهم الأسباب بس كلها احاسيس خوف ورعب وعياط وكأبه وضربات قلب سريعة من التوتر والارتباك والعجز لسه الاحاسيس دى مكملة وأكتر من كده بكتير لدرجة ان الكتابة اللى بكتبها دلوقتى مش هتعبر عن 1 % من اللى جوايا'.  

وتابعت: “فجأة دلوقتى حسيت انى عايزه اكتب جزء بسيط من إحساسى وكل شوية هكتب حاجة لحد ما اخرج اللى جوايا حاجة حاجة بس ف النهاية ربنا كبير وكريم وحنين اوى ورحمته واسعة وبيطبطب عليا بدرجة كبيرة”. 

واختتمت: “ربنا يخليكى ليا يا أمى ويبارك فيكى عشان أنا بحبك اوى ومن غيرك مش هشوف ولا اى حاجه حلوة في الدنيا”.

من جانب آخر، كانت قد كشفت الفنانة عبير صبري عن رأيها في شقيقتها الإعلامية مروة صبري، والتي تقدم برنامج “قعدة ستات” عبر مجموعة قنوات ألفا. 

وقالت عبير صبري في تصريحات خاصة لـ “صدى البلد”، إن مروة صبري مذيعة مختلفة جدًا وأتابعها، وسعيدة بنجاحها الكبير  وشايفة أنها بتنجح باجتهادها وعارفة أنها هتكون من أهم المذيعات على الساحة الإعلامية.