علق الإعلامي مصطفى بكري، على الشائعات المتداولة على وسائل التواصل الاجتماعي بشأن إيقاف برنامجه على قناة 'صدى البلد'.

وقال بكري في خلال برنامج 'على مسؤوليتي' المذاع على قناة 'صدى البلد': 'هدفهم مصالح مش بلد مش عايزين يقولوا كلمة الحق حصل مشكلة اقتصادية الحقوا البلد وقعت إحنا وقعنا، خلي حد فيكم بالذات اللي بيتكلموا من كبار الشياطين اللي معاهم مليارات برة أدفع لبلدك ولو دكر اطلع قول أنا عندي كذا مليار وهتبرع لمصر لكن أنتوا مش هتعملوا كده'.

وأضاف: 'أنا رفضت الرد على الشائعات الإخوانية والمتصهينة اللي قالت إن البرنامج اتوقف، قلت مش هرد ولا هتكلم أنا عايز اتفرج على الهري مساكين وكذابين، وهما عارفين ولكن بيضحكوا على الناس دخل في اللعبة الفاسد والمارق وابن السبيل'.

وتابع: 'أنا عارف أن البرنامج فضح الخونة والفاسدين ولازم يتصدروا لأي كلام ويحرفوه فرصة ليهم وظنهم انهم هيقفلوا البرنامج بادعاءات واكاذيب سخيفة، القناة دي بتواجه كل من يحاول النيل من الدولة ومؤسساتها وبتفضح تحريضهم وخياناتهم وبتكشف فساد اباطرة اخر الزمان اللي هما لا هم لهم إلا أن يشككوا في البلد والدولة والقيادة'.

وأوضح: 'محمد أبو العنين رئيس مجلس إدارة قنوات صدي البلد مواقفه معروفة والقناة ليها دور معروف دور وطني وعشان كده هتفضل لغاية آخر يوم في حياتنا وهنفضل معاها ندافع عن بلدنا ونكشف جماعة الخيانة والاخوان ونتصدى للفاسدين وندافع عن كل قيمة شريفة ونتواصل مع أهلنا وناسنا ونتبني مشاكلهم بايمان وعزم ومسؤولية، هندافع عن أمن مصر القومي والقضية الفلسطينية وامتنا العربية عشان كده الخونة بيتمنوا أن أصواتنا تقف ولكن بسم الله الرحمن الرحيم ويمكرون ويمكر الله والله خير الماكرين'.