طالب الإعلامي  عمرو أديب، مساء اليوم السبت، النجم أحمد سيد زيزو، لاعب الفريق الأول لكرة القدم بنادي الزمالك، بالبقاء ضمن صفوف القلعة البيضاء.

كتب عمرو أديب، عبر حسابه الشخصي على 'تويتر': '.رساله إلى زيزو: مقدرش أقولك إن الفلوس مش مهمة، بس الأهم إنك تكون حاسس بوجودك وتأثيرك فى المكان اللى بتلعب فيه'.

وأضاف: 'فرق كبير أما تحس إنك الوحيد أوتحس إنك واحد من الوحايد، انت عارف جمهور الزمالك بيعشقك وبينتظر بس تتحرك أو تلعب أي لعبة'.

وتابع: 'طول عمرك زملكاوي جدع أصيل، فكر شويه بقلبك مع عقلك واعرف إن التاريخ ساعات بيقلب مع الإنسان، والنوادى زي كل حاجة أقدام'.

وأتم: 'وقدم الزمالك عليك كان حلو وكان وش السعد، لا ترحل يا زيزو مش علشان تجيب أجوان، علشان إحنا بنحبك بجد فى الزمالك ومع الفانلة البيضا'.

وترددت خلال الساعات الأخيرة، أنباء عن توقيع اللاعب للنادي الأهلي لمدة أربع سنوات، بدايةً من الموسم المقبل، بعد رحيله عن الزمالك مجانًا.

وينتهي عقد زيزو مع الزمالك بنهاية الموسم الجاري، ويحق له الانتقال في صفقة انتقال حر، خلال سوق الانتقالات الصيفي المقبل.