أصبح الثنائي ريم وبربري حديث مواقع التواصل الاجتماعي خلال الساعات القليلة الماضية، وذلك بعدما قررا الظهور مرة أخرى بعد فترة كبيرة من الغياب ليكشفا عن حقيقة طلاقهما واختفائهما.

وخرج الثنائي ريم وبربري، للرد على الأنباء التي انتشرت خلال الفترة الماضية، حول علاقتهما، ليوضحا في مقطع فيديو حقيقة طلاقهما، قائلين: «إحنا طالعين نقولكم إننا أطلقنا، وإحنا مش عاوزين الناس تضايق أو تزعل، وعارفين أن ربنا كاتبلنا الخير، وإحنا راضيين بالقرار ده».

وأضافت ريم في الفيديو: «إحنا موصلناش للسلام النفسي ده بسهولة، عشان شوفنا أيام مش حلوة كتير بعد قرار الطلاق، بس إحنا دلوقتي تخطينا ده، وعشان كده قدرنا نطلع في فيديو، ومتأكدين إن ربنا كاتب لنا الخير»

وتابع بربري: «إحنا مش هنفضل مختفين، والفترة الجاية هنفضل نعمل فيديوهات أنا وريم بس كل واحد لوحده، ومحدش يصدق أي حاجة بتتقال علينا على السوشيال ميديا».

تزوج الثنائي ريم وبربري عام 2019، بعد قصة حب بينهما، وانطلقا بعد ذلك على الإنترنت من خلال مقاطع فيديو ترفيهية، جسدت مواقف كوميدية وتحديات ذكاء بينهما، فكانا يعتبرا من أشهر الكابلز على السوشيال ميديا، ويبلغان من العمر 28 عامًا، فاعتادوا على مشاركة حياتهم اليومية من خلال الفيديوهات التي يبثوها على صفحاتهم الشخصية.