أكد الفنان محمد صبحي، أن عشقه للمسرح يجعله ينسى الألم والمرض لحظة وقوفه على خشبة المسرح ويلتقي بالجمهور.

وكشف محمد صبحي سر هروب الممثلين من المسرح.

وأضاف محمد صبحي، في لقاء خاص مع الإعلامية شيرين سليمان، ببرنامج سبوت لايت، المذاع على قناة صدى البلد، «بنسى الألم، والمرض بفضل ربنا سبحانه وتعالى، وبيحصل اندماج، ولكن ليس بالمعنى اللي بيشرحوه دائمًا المبالغ فيه، ولكن ببقى عايش في حالة وعايز أوصلها كل يوم للجمهور».

وتابع محمد صبحي حديثه قائلاً: «ولأن الضيف مختلف كل يوم، وبقول مش عايز اظلم جمهوري النهاردة بحيث أمس أفضل من اليوم، لازم يبقى في عدالة، فالعرض ذاته يوميًا، مهما كانت الظروف والعقبات، وهذه متعة المسرح».

وعن سر هروب الفنانين من المسرح، قال محمد صبحي: «وعشان كدة ممثلين المسرح أقل، في ممثلين بيجروا ويهربوا من المسرح، ويقول انا أعمل مسلسل اخلصه في كام يوم، لكن المسرح إلتزام».