في تدوينة نشرها مساء اليوم الجمعة 4 أكتوبر 2024 على صفحته الرسميةبالفايسبوك، دعا العضو السابق لهيئة الانتخابات سامي بن سلامة المواطنين لأداء حقهم و واجبهم الانتخابي باختيار سواء زهير المغزاوي أو العياشي زمال على حد سواء مستثنيا المرشح رقم 3 اي الرئيس المنتهية ولايته. في ما يلي نص تدوينة بن سلامة:

'باش نقعد نحاول معاكم لنص الليل…

الي ننجح باش نقنعو يعمل تعليق وإلا يبعثلي على الخاص.

الأمور ماشية بقدرة ربي في اتجاه باهي…

امشيو صوتو بكثافة…

مصير البلاد بين ايدين الناس المترددين…

مع بعضنا نقلبو الطرح ونحتفلو أننا خرجناه بالصندوق وبكل ديمقراطية الشعب…

صوتو للمغزاوي صوتو للزمال…

المهم امشيو صوتو…

أكبر غلطة سياسية في تاريخ تونس عملوها الي دعاو للمقاطعة…

يغفصوا كيف العادة ويفلتو في فرصة ذهبية للتخلص من العبث…

والهزان والنفضان والظلم…

ربي يسامحهم…

ما تسمعوش كلامهم…مصيرنا بين ايدينا…

عبير وسنية ومراد وبوغلاب وبرهان وشريفة وغازي الشواشي وعصام الشابي ورضا بلحاج وجوهر بن مبارك وعبد الحميد الجلاصي…وكل المظلومين الي في الحبوسات من أجل التعبير عن رأيهم يخرجو نهار 7 أكتوبر…

مؤسسات الدولة يلزمها تكون واقفة وتمنع أي مساس بالصندوق…

هاذي مسؤوليتها ومهمتها في ظرف كيف هذا…

لكن انتي كمواطن مسؤول…

قوم وامشي صوت…

الوضع راهو أفسد من كل الأوضاع الخايبة الي عشناها في تاريخ تونس…'.