نفى الإعلامي تامر أمين ما تردد عن مطالبته بإلغاء دراسة مواد التاريخ والفلسفة في الثانوية العامة مشيرا إلى أن تصريحاته نقلت بشكل خاطئ.

وقال أمين خلال برنامج 'اخر النهار' المذاع على قناة 'النهار': 'أولا انا عايز أشكر كل الناس اللي تفاعلت واهتمت بالكلام اللي قلته سواء اختلافا أو اتفاقا أو هجوما لأن انتوا عارفين أنا مبدئي طول الوقت احترام كل الناس وكل الأفكار؛ اتنين ودا الأهم أنا حابب اعتذر اعتذار واضح لا لبس فيه لكل من اساء فهم كلامي تحديدا ودول اللي يعنوني جدا جدا أساتذة التاريخ والجغرافيا وعلم النفس سواء في المدارس أو الجامعات لان وصلهم تقريبا عكس المعني اللي اقصده'.

وأضاف: 'وصلهم ان كلامي في نوع من أنواع التقليل من شأن مادة التاريخ والجغرافيا ودا اطلاقا لم اقصده؛ أنا أكن لهم كل احترام واكن للمواد دي كل احترام خصوصا أني عارف مدى قيمتها'.

وواصل: 'ثالثا هل يمكن لعاقل؛ أن أنا أقول متدرسوش تاريخ في المدارس أو الغوا التاريخ في الجامعات؛ مستحيل خصوصا العبد الفقير اللي بقول طول الوقت أننا مبندرسش تاريخنا كويس؛ مستحيل يكون قصدي من أي كلام التقليل من التاريخ'.

وأكمل: 'معايا فقرة أسبوعية مثبتها يوم الحد اسمها حصة تاريخ مع الدكتور وسيم السيسي عشان بخلاف الدراسات والكتب أن الناس تعرف تاريخها من واحد من شيوخ التاريخ يبقي أنا جاي أقولكم الغوا التاريخ؟ الله يسامح بعض المواقع اللي بتجتزء الكلام عشان تعمل التريند ومش مهم الكلام يبقي صح ولا لا؛ الكمين اتعمل حلو من بعض المواقع والحتت اللي عملت تركيبة كلام أن تامر أمين يطالب بإلغاء دراسة التاريخ من المدارس'.

وذكر: 'أنا قولت كده؟ هل اجرؤ أساسا أني أقول كده؟ كل ما قلته واعنيه وبعيده دلوقت أنه المرحلة الثانوية بعد ما يكون الطالب اتأسس في المواد دي تأسيس كامل؛ يعني خد تاريخ وجغرافيا وعلم نفس من أولى ابتدائي إلى تالته اعدادي؛ تسع سنين نأسس أولادنا في المدارس التأسيس الكامل عشان يفهموا تاريخهم ودا يحصل بجرعة كامل في التسع سنين دول وكمان يدرسوا من أولى ابتدائي إلى تالته اعدادي الفلسفة والمنطق'.

واختتم: 'أنا كل كلامي مقلتش الغوا التاريخ ولكن خلوا المواد اختياري بناء على تخصص ورغبة الطالب؛ اللي عايز يدخل في ثانوي ويدرس تاريخ ويكمل في الجامعة على عيني وراسي بس مش اجباري'.