نشرت سلوى نعمان بسيس مساء اليوم السبت 24 أوت التدوينة التالية على حسابها الخاص وفبها قليلا من ألمها وهي تسرد بكل رزانة و صبر اثر زيارتها لزوجها الاعلامي برهان بسيس المقيم بسجن المرناقية:

'البارح الجمعة و كيما كل نهار جمعة منذ يوم 11 ماي (يعني تقريبا توة ثلاثة أشهر و نصف) نمشي نزور برهان و نهزلو القفة و الحوايج…. الايام تجري الحي يروح ما يدوم حال الفايدة في صحة البدن ..الخ الخ من الجمل الجميلة المرفعة للمعنويات و الي نسمعها من عند الأصدقاء و من العباد الي نقابلها و في الميساجات الي توصلني…و هي نفسها الي نقولها لزوحي و لأولادي يوميا صباح و ليل…نقولها كيف نحس بضيق و كيف نتخيل النهار كيفاش يتعدى في السجن في زنزانة…. نقولها خاطر نعرف أن الله لا يكلف نفسا إلا وسعها نقولها خاطر نعرف انها كلما ضاقت الا و فرجت نقولها خاطر ني مؤمنة بقضاء الله و رحمته…. أما هذا ما يعنيش أن الايام تمر ثقيلة و اللحظة بدهر و الانتظار ممل…..مزعج و مخيف…ما اخيبو الاحساس بالعجز و ما احلاه كيف تسلم الأمر لله وقتها فقط تحس بالطمأنينة….. فرجا قريبا ان شاء الله…