أكد الإعلامي عمرو أديب أن على مصر الاستعداد بشكل كامل لتأثيرات الحرب الإيرانية – الإسرائيلية خاصة وأنه لا يعلم أحد متى سوف تنتهي.

وقال أديب خلال برنامج 'الحكاية' المذاع على قناة 'أم بي سي مصر': 'الإسرائيلي قال انا مش جايبلك غاز تاني دلوقت وأنت كنت معتمد على جزء من الطاقة كنا بناخد جزء نصدره وجزء نستخدمه والمؤسسات الصناعية عندنا بقي عندها مشكلة ونستبدل هذا الامر بالمازوت'.

وأضاف: 'يجب أن نكون مستعدين لهذه الأمور وكأن الأمر قاعد شوية وكأن الامر يخلص بكرة، ارجع تاني وأقول الناس اللي بتقول طبعا الدمار اللي في طهران مش زي اللي في تل أبيب نعم ولكن طهران في تاريخها وتصميمها مهيأه لهذا الامر انما ننوس عين العالم لا يتحمل هذا الامر'.

وتابع: 'شوفنا الرجالة بملابسها الداخلية في شوارع تل ابيب، الان بقوا يقولولهم ايه كونوا قريبين من الملاجئ وإلى أي مدى الشعب ده يستحمل الكلام ده احنا بنتكلم على شعب رحل وعارف هذه الأرض سارقها'.

وأوضح: 'تتفق او تختلف مع الإيراني ولكن هذا شعب وله بلد انما دول سلطة وبعدين ابتدينا نسمع ايه؟ أنت مثلا الإدارة البريطانية قالت للمواطنين الانجليز الموجودين في تل ابيب كن مستعد أنك تغادر'.

وأكمل: 'اجهز حط باسبورك في جيبك وفي أي وقت هتمشي اتحدى حد يفرق بين مشاهد الدمار في تل أبيب أو في غزة، انا عارف في ناس تقولك ايه هو يعني مات كام؟ ياجماعة عندما يتوفى 10 في إسرائيل دي يتعمل لها مناحة انما احنا شعوب تعودنا على الاستشهاد انما متشولح ليس سعيدا وهيعملك مشكلة كبيرة في الويك اند هينزلك متشولح الشارع ويقولك ارحل وبتاعد'.