كشف النجم تامر عاشور، أن المواطنين فى شارع الملك بالمملكة العربية السعودية بلاقيهم يسمعوا أغنية 'هيجيلى موجوع' وهى مرتبطة معاهم بطريق الملك، ومكنتش متوقع أن الطريق ده معروف باسم فنان مش أنا، مشيرا إلى أن أول كوميكس جاء على الأغنية كان من دكاترة الأسنان، وكان أجملها واحد خلص مرتبه فجاب ساندوتش بيغنى الأغنية'.

وأضاف تامر عاشور خلال استضافته فى برنامج 'صاحبة السعادة' الذى تقدمه الفنانة والإعلامية إسعاد يونس على شاشة dmc، أن الأغنية كانت بالنسبة لى نقلة وخرجتنى من إطار الأغانى الهادية وجعلت الرتم الموسيقى عندى أعلى أكتر، وده بسبب بساطة اللحن والكلام والتوزيع'.

تابع تامر عاشور، الأغانى البسيطة بتعجب الناس، ومافيهاش فزلكة، وممكن الأغنية تضرب معايا، وتوجهاتى اختلفت فى شكل المزيكا بعد أغنية 'هيجيلى موجوع' وبقلب الأغنية ووديها فى حتة تانية، وانا تربيت على المزيكا اللى ليها أصل، وانا على ثقة ويقين إن الناس بتسمع'.