أعلن الفنان محمد صبحي موقفه من تقديم مشاهد الصلاة في الأعمال الفنية، مشيرا إلى إنه لم يقدم مثل تلك المشاهد في مسلسل يوميات ونيس، لأنه مقتنع أن هذا هو دور البرامج وليس الأعمال الفنية.

وقال محمد صبحي خلال ندوة الفتوى والدراما بمعرض القاهرة الدولي للكتاب في دورته الـ 56: 'مينفعش فنان يقدم شخصية نبي، هينقل للمُشاهد صورة ذهنية خاصة بيا كممثل، عمرك ما هتوصل لروح الشخصية، رغم إن المسيح اتمثل في أوروبا بس اشترطوا عليه لا يمثل دور آخر، أنا مش مع ده'.

وأضاف محمد صبحي: 'زي ما قعدوا يقولوا قدمت ونيس ومسلسل عظيم بيتكلم عن الأخلاق والقيم، لكن مفيش مشهد تصلي فيه عشان الأطفال يتعلموا منك، لا أنا مش شيخ عشان أعمل ده، مش رسالتي، مينفعش أكون أمام الكاميرا وأمثل إني بصلي قدام ربنا، ومينفعش أعمل ده وقدامي رجالة وستات وعمال وفنانين ومش لحظة بتاعتك أنت لوحدك مع ربنا سبحانه وتعالى'.

وأردف محمد صبحي: 'أنا ضد تقديم الصلاة المزيفة في التلفزيون دي مش مهمتي، في برامج تقدم ده، حتى لو هعرف الأطفال الوضوء دي مش مهمتي مهمة برامج تانية'.