تحدث الكابتن أحمد حسن لاعب النادى الأهلى والزمالك وكابتن منتخب مصر السابق، عن الكابتن حسام حسن ومانويل جوزية وكذلك عمرو وردة.

وقال أحمد حسن خلال حواره مع برنامج “سابع سما” المذاع عبر قناة “النهار” تقديم راغدة شلهوب عن حسام حسن أنه يجب الافتخار بأن اثنين من لاعبى مصر  وصلا لعميد لاعبى العالم معقبا:' انا والكابتن حسام'.

وبشأن مانويل جوزيه قال أن اختلافه مع جوزيه كان لفترة بسيطة للغاية، معقبا:' معنديش معاه أزمة'.

وبالنسبة لـ عمرو وردة قال أحمد حسن أن اللاعب عمرو وردة مقصر فى حق نفسه، معقبا:' هو محترم معايا'.

شن أحمد حسن نجم الكرة المصرية السابق، هجومًا لاذعًا على رضا عبدالعال نجم النادي الأهلي السابق، بعد تصريحات الأخير ضد عميد لاعبي العالم.

وقال أحمد حسن خلال تصريحاته في برنامج «سابع سما» على شاشة النهار: رضا عبدالعال قال على عمر مرموش لا يملك أي إمكانيات ولا يصلح للمنتخب وبييجي المنتخب مجاملة وأحمد مدبولي أحسن منه.

وأضاف الصقر أحمد حسن: بعد ما مرموش كسر الدنيا، كان من الطبيعي إنه يغير تصريحاته، ولكن رضا عبدالعال صمم وقال إن مرموش سجل 3 أهداف في فرقة صغيرة.

وأكمل: أنا رديت على رضا عبدالعال وقلت إن مرموش لعيب مصري ومحتاج تدعيم وتشجيع وعدم إهانة الولد وتقول إنه بيتشقلب.

وواصل أحمد حسن: بعدها رضا عبدالعال اتريق عليا برة الكورة لإني في حته تانية في الكورة، وقال إني بنص لسان واتريق على اللدغة بتاعتي، ومجاش من الناحية الفنية.

وزاد: رضا عبدالعال اتريق على إبراهيم عبدالجواد وقال إنه بيحط كحل، ومش بيتكلم فني أو طريقة الكورة، وأنا بالنسباله فوق التقييم ميقدرش يقيمني عشان أنا بعيد.

ووجه أحمد حسن نصيحة لـ رضا عبدالعال، قائلًا: أنا كنت بحترمه كلعيب كورة، ولكن بقوله دلوقتي ياريت تتكلم في الكورة والفنيات فقط، وبلاش تروح لحتة فيها مهانة عشان اللعيبة دي عندها أسرة وأولاد وبالنسبة لموضوع نص لسان أنا عن نفسي اللدغة دي بحبها، ومش مضيقاني نهائي الناس كمان اللي حوليا بتحبها، وبعدين أنا عندس حرف واحد بس.