علقت الإعلامية لميس الحديدي على موجة الحر التي تضرب البلاد حاليًا، قائلة:'أنا كنت في بيروت، والطقس هناك كان يشبه الإسكندرية، دافئ نهارًا ولطيف مساءً، وفيه لسعة برد بنلبس فيها جاكت، مش صيفي خفيف'.

لميس الحديدي تعلن إذاعة حوار الرئيس اللبناني جوزيف عون غدًا الأحدلميس الحديدي عن القمة العربية: الرئيس السيسي عبر عن موقف مصر بكل وضوحلميس الحديدي تحتفل بعيد ميلادها ورسالة تهئنة من سهير جودة

وأضافت الحديدي، خلال تقديمها حلقة جديدة من برنامج 'كلمة أخيرة' على شاشة ON:'وإحنا نازلين بالطيارة شفت فوق غبار عامل زي الستارة مغطِّي الجو، قلت خير اللهم اجعله خير، وأول ما نزلنا لقينا ' هبو '  من باب الطيارة، حرارة وخماسين مش بتخلص! أي حد عنده جيوب أنفية ضاع النهارده'.

وتابعت:'في كلية التربية الرياضية بجامعة طنطا، وبسبب موجة الحر، حصلت حالات إغماء وإصابة حوالي 48 طالبة ومدرس مساعد، نتيجة ضربات شمس وغيرها، وقررت الكلية تأجيل امتحان مسابقات الميدان والمضمار بسبب ارتفاع درجات الحرارة'.

واختتمت الحديدي حديثها مازحة:'فصل الربيع اتغيّر، ومابقتش له علاقة بالربيع اللي كنا نعرفه. سموه وائل أو تامر، لكن مش ربيع! إحنا عايشين في تغير مناخي غير طبيعي، بقينا يا برد جدًا يا حر جدًا، ومافيش ربيع'.