اخبار تونس
موقع كل يوم -أنباء تونس
نشر بتاريخ: ١٧ أيلول ٢٠٢٥
في ما يلي قليلا من النقاش مع جملة من الإعلاميين مساء اليوم الثلاثاء 16 سبتمبر على احدى القنوات الفرنسية انطلاقا من فيلم Oui، كما نقله باحاسيسه الأستاذ بالجامعات الفرنسية بالدارجة التونسية:
'كنت نسمع في حوار مع ها المخرج الإسرائيلي في حوار على Fr5 بمناسبة فيلم 'Oui'.
السيد عرى الصحفيين في تعاملهم مع الوضع في غزة. قالهم انا خرجت ماعادش نعيش في إسرائيل منذ اربع سنين لأني ماعادش قادر نتحمل مسؤولية المجازر في حق الفلسطينيين.
الحاضرين الفرنسيين لقاو رواحهم في وضع محرج لأنو السيد يتحدث على مجازر وعلى حرب إبادة لشعب كامل. مثل ها الخطاب كيف يقولو واحد في اغلب القنوات يدورو عليه.
السيد مشى ابعد من هذا. قالهم المشكل موش نتنياهو، قالهم المشكل جاي من مجتمع كامل يعيش على الحرب. فمة واحد صحفي قالو دولة ديمقراطية وهاو فمة قاضي عربي في المحكمة الدستوري. قالو بربي نقص من ها النظرة الفلكلورية راهي ديمقراطية لليهود.
والجماعة واضح متمقرصين، خاصة كيف واحد سألو على 7 أكتوبر وهو جاوبو: انتم في فرانسا تحبو كان يا ابيض يا أسود وبها الطريقة هاذي تشجعو على الإجرام.
كذاك الجماعة ما عجبهمش الحديث السلبي على المجتمع الإسرائيلي. ياخي قالهم باش نحكيلكم قصة وقعت في التصوير. قالهم صورنا كورال متاع أطفال باش يغنو نشيد جديد لاسرائيل، المخرج اختار قصيد عنصري متطرف يدعو لقتل الفلسطينيين وحتى حرقهم. قال صورنا 10 مرات نفس المشهد والغناء ولا حد من الاولياء (60 ولي) ولا واحد جاء قالي كيفاش ولدي يغني في كلمات فيها دعوات واضحة للقتل. قال البعض اللي ادخلو فقط باش ولادهم يظهرو أكثر في المشهد.
الليلة تحس الحاضرين قدام ها المخرج حاشمين وتقريبا قالهم تهزو في قفة وتبررو في الإجرام'.
