رامي صبري: مش زعلان من ويجز لسه صغير ومعندوش الخبرة بتاعة الرد

تحدث الفنان رامي صبري عن أزمته مع مؤدي الراب ويجز، وأكد أنه يحبه ولم ينزعج منه.

وقال رامي صبري في لقاء مع 'عرب وود': 'كنت زمان بزعل وأنا قد ويجز كده وكنت بعمل أكتر منه وعارف أن هو عشان لسه صغير ومعندوش الخبرة بتاعة الرد أوي فاهم دي، أنا بحبه والله معنديش مشكلة معاه بحبه وبحب فنه وقلت كده'.

وتابع رامي صبري: 'أنا معرفش هو ليه اتضايق كده ممكن يكون حد سخنه إنما هو فنان وبيعمل مزيكا حلوة فعلا، وبقول كده على طول أنا مش ضد أي حد يعمل مزيكا أنا أكتر واحد مش ضد أي حد أنا دايما بقول كده أي حد من حقه يعمل أي حاجة طالما مش بيأذي حد يبقى يقدر يعمل أي حاجة'.

وكان ويجز هاجم رامي صبري بعد حديث الأخير عنه خلال لقائه في برنامج 'حبر سري'.

وكان رامي صبري تحدث عن ويجز خلال لقائه في برنامج 'حبر سري' وقال: 'ويجز زعلان مني ومش عارف ليه أنا قلت إني مش بفهم كلامه ودي حقيقة بس قلت عليه إنه بيعمل مزيكا حلوة ومجتهد'.