كوكا يروي تفاصيل ما فعله والده قبل وفاته

أحمد نبيل كوكا

وجه أحمد نبيل كوكا، لاعب وسط النادي الأهلي، رسالة مؤثرة لوالده الراحل والذي توفي منذ عدة أيام، كما نشر آخر صورة لوالده الراحل قبل وفاته.

وعلق «كوكا» عبر صفحته الرسمية على موقع التواصل الاجتماعي «فيسبوك»: «اخر صورة لى ابويا ليلة الجمعة الساعة ٣ الفجر اليوم اللى اتوفى في كان قاعد لوحدة برة بيتصور فى البيت».

وأضاف: «كان عارف حبيب قلبى ان ده اخر يوم لى فى البيت ده انا كنت جوة يا بابا نايم كنت تقولى اجى اتصور معاك فى اخر صورة ليك عمرة ما كان بيتصور لوحدة كده والله اتصور وساب الضحكة اللى فى الصورة دى علشان نشوفها ونتأكد ان رايح الجنة».

وتابع: «والله والله والله ابويا ودعنا واحنا بنغسلة بى نفس الضحكة اللى فى الصورة ، كان نفسى تشوف كمية الناس يا بابا اللى كانت موجودة علشان انا عارف انك عارف الناس بتحبك كل الناس بتدعيلك والله وزعلانه عليك».

وواصل: «ربنا يقدرنى يارب فى اللى جاى واقدر اعمل كل الحاجات الحلوه اللى كنت بتعملها والخير ومساعدة الناس اللى كنت بتعملها ، جالنا يا حبيبى بشرة الصبح انك مبسوط عندك ونفسى نجيلك انا وامى واخواتى فى اسرع وقت ربنا يجمعنا بيك على خير يا بابا ، حلمك انا مكمل فى والله وكل حاجه كانت بتفرحك هتتعمل على اكمل وجه ، ربنا يرحمك ويغفر لك ويدخلك فسيح جناته والفردوس الاعلى من جناتة ، اشوفك على خير يا بابا سلام يا راجل يا طيب».