عمرو أديب للحكومة: انتوا بتقطعوا الكهرباء لما درجة الحرارة ترتفع؟

قال الإعلامي عمرو أديب إنه لاحظ قطع التيار الكهربائي لمدة بسيطة حين ارتفعت درجات الحرارة خلال الأيام الماضية.

وقال “أديب” خلال برنامج 'الحكاية' المذاع على قناة 'إم بي سي مصر': 'هو لما درجة الحرارة بتزيد انتوا يتقطعوا النور شوية؟ الإجابة لا دي مشكلة في دماغي أنا، في الأيام اللي فيها الحر عالي بيحصل انقطاع أو تخفيف أحمال لمدد قصيرة وأنا بقول عشان إحنا داخلين على صيف طويل وحار'.

وأضاف: 'أنا أول واحد في المرة اللي فاتت اتكلمت في الموضوع ده ولكن أنا المردي بقول عشان نبقى جاهزين ومستعدين لأنه قد لوحظ أنه بيحصل انقطاع بسيط وقصير للتيار الكهربي، ودا ممكن ميبقاش بسبب توفر الطاقة'.

وتابع: 'الطاقة موجودة والدولة جاهزة وشارية ولكن أنا بقول بس إنه قد لوحظ ودي ملاحظة محب وواحد بيكره الحر، هل اللي حصل في الأيام اللي فاتت حوادث متفرقة لا يجب التوقف عندها أم لا'.

وأوضح: 'الإجابة انها حوادث متفرقة لا يجب التوقف عندها بس صديقك من صدقك والواحد لازم ياخد باله ولازم ننبه وننوه أنما أنا واثق فيكم وأن انتوا اشتريتوا'.

وكان المستشار محمد الحصاني، المتحدث باسم مجلس الوزراء، قد أكد في وقت سابق أنه يجري العمل على توفير الموارد اللازمة لقطاع الكهرباء، والتعاون بين وزارتي الكهرباء والبترول لتوفير كل المواد البترولية والوقود اللازم لمحطات الكهرباء، وذلك في إطار إعلان رئيس مجلس الوزراء، الدكتور مصطفى مدبولي، عن عدم تخفيف الأحمال خلال شهور الصيف.