بسبب مشاكل المصنعين.. أحمد موسى يوجه رسالة عتاب لـ المسئولين السابقين

وجه الإعلامي أحمد موسى، رسالة عتاب إلى المسئولين السابقين الذين لم يسعوا لحل مشاكل المصنعين والمستثمرين، قائلاً: «ليه ظلمتوا الناس دي، ده كل ده عبارة عن فلوس برا وجوا البلد، كل ده إنتاج ضايع، ليه كنا بنعطل مصالح البشر بالشكل ده! دول ناس عايزين يشتغلوا في بلدهم ويخدموها».

وقال الإعلامي أحمد موسى، خلال تقديمه برنامج 'على مسئوليتي'، المُذاع عبر فضائية ' صدى البلد': «شعركم هيقف، لإن المشكلات دي كلها كانت أمور سهلة وبسيطة أوي، وكان ممكن أي حد يحلها، دي مكنتش تستاهل يتم تعطيلها السنين اللي فاتت دي، ولكن مفيش إرادة».

وأوضح أحمد موسى: «محدش كان بيقعد مع المصنعين والمستثمرين قبل كده، ومكنش حد بيسمع حد، ده فيهم واحد جاي من المنيا عشان إمضاء بسيطة عشان يشغل مصنعه المتوقف بقاله كام سنة ومحدش كان راضي يحل ليه مشكلته».

وأكد أن الفريق كامل الوزير منذ توليه المسؤولية يعقد اجتماعا بشكل أسبوعي مع المستثمرين لحل مشاكلهم، موضحا أن الفريق كامل الوزير حل مشكلة مستثمر بشكل فوري ومنحه 1000 متر في مدينة بدر.