"قصة الـ 500 مليون الضائعة".. ميرفت التلاوي تروي كواليس أزمة أموال المعاشات (فيديو)

روت السفيرة ميرفت التلاوي، وزيرة التأمينات والشؤون الاجتماعية في عهد الرئيس الأسبق الراحل محمد حسني مبارك، قصة الـ500 مليون جنيه الضائعة من أموال المعاشات.

وقالت التلاوي، في تصريح سابق- عبر مقطع فيديو متداول لها على مواقع التواصل الاجتماعي- إن حكومة رئيس الوزراء الأسبق الراحل كمال الجنزوري أرادت أخذ أموال التأمينات ووضعها في البورصة، لكي تقول للرئيس إن الحالة الاقتصادية عظيمة والدليل البورصة.

وأضافت التلاوي: 'قلت لهم فلوس التأمينات مش مفروض تساند البورصة، المفروض تتحط في مشروعات مفيدة ترجع دخل لأصحاب المعاشات، قالوا 'معلش'، وخدوا 500 مليون مني، ويوسف بطرس غالي- وزير المالية آنذاك- أعطاها لمستثمر واحد في البورصة، وكانت النتيجة إننا خسرنا الفلوس كلها'.

وتابعت: “لما الجنزوري جه طلب مني فلوس تاني للبورصة، اشترطت أنا اللي أوزعها مش يوسف بطرس، وزعت الفلوس بالتساوي على الـ12 شركة المسجلة في البورصة، وجبت وزير مالية سابق قاعد يراقب حركة الأسهم بحيث نضمن إنها ماشية صح”.

واستكلمت: “اختلفت أيضا مع الجنزوري في شراء الشركات التي عرضتها الحكومة للبيع كنت شارية ربع الأسهم في شركة الاتصالات، ومجمع الألمنيوم في قنا، وحديد الدخيلة، فلما عرضوها للبيع، قلتلهم التأمينات تشتريها لأن كنا عرفنا المكاسب اللي بتيجي منها، وده كان هيخلي المعاشات تبقى في حتة تانية خالص”، معقبة: 'قلتلهم بدل ما تخلوا بني آدم واحد يتربح كل هذه الأرباح، طب خلوا الـ 8 ملايين معاشات دول هما اللي نرتفع بيهم إلى طبقة تانية، قالوا هتخلي الناس تسيب الوظائف وتقعد للمعاش.. ومسمعوش كلامي'.