وفاة شاب بعد صراع مع السرطان يثير حزن السوشيال ميديا| تفاصيل مؤثرة

تصدر خبر وفاة شاب مصور يدعى محمد عبد الله منصات التواصل الاجتماعي “فيسبوك” خلال الدقائق الماضية بعد معاناة كبيرة مع مرض السرطان، ما أثار حزن المتابعين بشكل كبير.

وكان شاب مصور يدعى محمد عبد الله، استغاث عبر حسابه الشخصي على موقع التواصل الاجتماعي “فيسبوك” منذ أيام من ارتفاع تكاليف علاج السرطان، حيث اضطر لبيع معدات التصوير الخاصة به وأثات منزله.

وكتب “عبد الله” منذ أيام: “اللي يعرفني هيعرف قد إيه بوست زي ده تقيل جدا على قلبي إني أرفعه خصوصا إن هيشوفه أهلي وصحابي وكل الناس اللي تعرفني”.

وتابع: “بس أنا بقالي سنتين بتعالج من الكانسر ووصلت كذا مرة للشفاء بس يحصل انتكاسة والحمد لله راضي بس آخر مرة المرض تحور وبقى لوكيميا أو سرطان في الدم ليمفاوي حاد T-All خلايا تائية وده للأسف شرس جدا ونادر والتكلفة  بقت أزيد عليا بسبب إنه بيحتاج رعاية في المستشفى لفترات طويلة لأن جسمي يينتج دم فاسد بس كانت بتتدبر وبلاقي حاجات أبيعها”.

وأضاف: “لما جينا نبدأ العلاج ظهر فطريات في الرئة ووقفنا الجلسة ولازم نعالجها لأني حتى مش قادر أتنفس طبيعي والأدوية في اليوم الواحد من الصيدلية بس سعرها ٢٥ ألف غير إني كل يوم بنقل الصفايح والدم لأن المرض بيكسرهم واليوم بقى بيعدي الـ٦٠ ألف جنيه ومبقاش في حاجه تانية نبيعها وأنا كنت ببيع كل حاجة علشان موصلش إني أرفع البوست ده بس خلاص مفيش حاجة تتباع تاني وكام يوم ومش هعرف أكمل علاج”.