نصائح مهمة للآباء عند التعامل مع الأبناء .. استشاري طب نفسي توضح |فيديو

أكدت الدكتورة مها عماد الدين، استشاري الطب النفسي للأطفال والمراهقين، أن حماية الأطفال من التحرش لا تتطلب تواجداً جسدياً دائماً من الأبوين، بل تحتاج إلى تواصل ذهني وعاطفي بالافكار بشكل  مستمر يشعر من خلاله الطفل بالأمان والثقة في محيطه الأسري.

وقالت عماد الدين، خلال لقائها في برنامج 'كلمة أخيرة' مع الإعلامية لميس الحديدي على قناة ON:'التواجد الدائم للأبوين لا يعني أنهما لازم يكونوا دايمًا جنب الطفل، لكن المهم أن الطفل يكون حاسس بالأمان، وعارف إن لو حصل له أي حاجه، ابوه وأمه  هيسندوه ويدافعه  عنه'.

وشددت على أهمية أن يتمكن الطفل من التحدث بصراحة عن أي شيء يشغل باله دون خوف من اللوم أو العقاب، مشيرة إلى أن غياب التوعية المسبقة يجعل الطفل في حيرة إذا واجه موقفًا غريبًا.

وأضافت: 'في وقائع التحرش  أطفال بتحس إن في حاجة غلط، لكن مش عارفين الغلط فين، ومفيش وعي سابق يساعدهم يميزوا. ولو الطفل تعود يحكي في نهاية يومه، ولو الأب أو الأم لاحظوا حتى أسئلة بسيطة زي: ليه الكبار بيقلعوا هدومهم قدامنا؟، لازم ننتبه، لأن دي مؤشرات مهمة'.

وعن كيفية التعامل مع خوف الأطفال من الإفصاح، خاصة في حالات التحرش، قالت:'الطفل مش هيقدر يحكي في موضوع كبير زي التحرش، لو هو أصلاً بيتعرض للوم دائم على حاجات أبسط. مثلاً، لو كسر زجاج المدرسة، وأمه قالت له: كل تصرفاتك غلط، فده بيكسر عنده الأمان، وبيخليه يتردد إنه يحكي في مواقف أكبر'.

وختمت بتأكيد أن الثقة تُبنى في تفاصيل الحياة اليومية:'لما الطفل يتربى على فكرة إن مفيش لوم دائم، وإن في مساحة دايمًا لحل المشكلات سوا، هيبقى مؤهل يحكي لو حصل حاجة صعبة، زي التحرش'.