سيد عبد الحفيظ ينتقد قرار انسحاب الأهلي ويوجه رسالة لمجلس الخطيب

تحدث سيد عبدالحفيظ، نجم النادي الأهلي السابق، عن أزمة مباراة القمة أمام الزمالك وقرار الانسحاب، مشيرًا إلى أنه يرى الأهلي كان يلعب المباراة.

وقال سيد عبدالحفيظ في تصريح تليفزيوني عبر شاشة إم بي سي مصر 2: “التحكيم المصري محتاج فترة زمنية كبيرة جدًا عشان تقدر تعتمد عليه، يكون في 3 أو 4 خبراء أجانب يطوروا من الأمور الفنية والشخصية وطريقة الحكام مع بعض، عشان تقدر تشوف حاجة كويسة”.

وأضاف: “أنا بشوف أن الأهلي واخد سمعة مش حقيقية خالص، يقولوا الحكام بتجامل وبتحابي لمصلحة الأهلي وده غير صحيح، ومش بحب أعيش في دور المؤامرة التحكيمية دي”.

وأكمل: “أنا ممكن اتخانق واعترض لكن في الأخير ألعب المباراة، وبلوم النادي الأهلي إنه جميل جدًا مع كل الأندية وبيقابل الجميل ده بنكران فظيع”.

 وتابع: “يعني الخناقة دي الزمالك وبيراميدز مع بعض، وفي 2017 الزمالك ومصر المقاصة مع بعض ضد الأهلي، والأسماعيلي في سنة 2018 قرر يلعب المباراة بتاعتنا في استاد بتروسبورت عشان احنا كنا متغاظين بس، وبمشوره زملكاوية”.