مصطفى بكري: "اللي مش عاجبه بلدنا يروح سوريا يمكن يلاقي الديمقراطية هناك"

أكد الإعلامي مصطفى بكري أن الدولة تواجه تحديات تستدعي أن يصطف الجميع خلف الرئيس والقوات المسلحة.

وقال بكري خلال برنامج 'حقائق وأسرار' المذاع على قناة 'صدى البلد': 'الكذابين والأفاقين لو عندهم دم يقولوا البلد بتواجه تحدي خطير ونقف مع القيادة والجيش والكلام ده مش شعارات الكلام ده واقع واللي مش شايفية يبقي مبيشوفش ولا هيشوف والحقد مالي قلبه'.

وأضاف: 'احنا النهاردة الحمد لله بلد واقفة على رجليها بلد بتستضيف قمة الثمانية بلد محور ومركز لأشياء كثيرة بلد عملت تنمية وهنشوف نتايجها قدام وشايفين ازاي وضع مصر بيتغير'.

وتابع: 'الناس تعبانة طبعا محدش ينكر الناس الغلابة تعبانة محدش ينكر ولكن لازم تعرفوا أن ده في ذهن السيد الرئيس وأن احنا بندفع في الديون'.

وواصل: 'الإيمان يا جماعة بالوطن حتى لو اختلفت مع النظام الرئيس بيقول يروح الرئيس ولكن لا يروح الوطن والنهاردة الناس مشردة في سوريا بتجري بتهيم على وجهها مش عارفة تروح فين وبكرة هيشوفوا وأنا بقول والزمن بيننا زي ما قلت في يوم من الأيام لما استولى الإخوان على 25 يناير قلت حولوها من ثورة إلى مؤامرة'.

وأوضح: 'من سعي للتغيير إلى سعي لإسقاط الدولة أوعى تكلمني أنك وطني وأنت بتطالب باسقاط الدولة أوعى تكلمني عن الوطنية وأنت شمتان في جيش مصر العظيم وشرطته الباسلة'.

وذكر: 'أه اللي بيدافعوا عن الدولة وبيتكلموا بحماس وبقوة بيتهاجموا من وسائل كثيرة جدا ولكن هذا الغثاء لا أحد وانزلوا الشارع المصري هتلاقوا الأم اللي حريصة على بلدها واللي بتدعي لظابط الجيش ولجندي الشرطة ولكن إنسان وبتدعي للرئيس السيسي أن ربنا يوفقه ويحمي البلد بحكمته وإدارته الذكية للأمور'.

واختتم: 'البعض مش عاجبه والله لو مش عجباك بلدنا هنا روح يمكن الديموقراطية تلاقيها في سوريا أفضل ما في هذا البلد الأمن والاستقرار والعزة والكرامة والحفاظ على الأمن القومي وأفضل ما في هذا البلد أن لدينا قيادة وطنية مخلصة'.