اخبار مصر
موقع كل يوم -صدى البلد
نشر بتاريخ: ٥ أذار ٢٠٢٥
كشفت المطربة رنا سماحة عن مواصفات فتى أحلامها، كما تحدثت عن المواقف التي شعرت فيها بالظلم في حياتها.
وقالت رنا سماحة خلال لقائها ببرنامج 'أوضة ضلمة' الذي تقدمه الإعلامية إنجي هشام على شاشة 'هي':
«هقول زي ما كنت بقول قبل جوازي... عايزة حد أرجل مني، مش لمجرد المسؤولية، وفكرة إنه يصرف على زوجته – مع إن ده من حقوقي كست – يصرف عليّ. ودي ظاهرة طالعة إن الرجالة مش عايزة تصرف على ستاتهم، والمفروض متكنش محتاجة تطلب... أنت تعرف ده لوحدك».
كما تحدثت رنا سماحة عن فترة عملها كمذيعة والظلم الذي تعرضت له، قائلة:
«حسيت بالصدمة. كنت بشتغل في مكان من الأماكن وقعدت فيه فترة كبيرة، وحصلت حاجة جوا ومشيت بطريقة مستحقهاش، وزميلي كمل لأنه مكنش عنده خلافات، لكن أنا كان عندي. والناس اللي بتستغرب إني إزاي مذيعة وأنا مطربة... هو في حد يشتغل مذيعة لمدة 10 سنين زيي؟».
وأضافت رنا سماحة: «مبندمش على أي حاجة في حياتي، حتى لو اتوجعت فيها. كل حاجة عشتها استفدت بيها. ولما أجهضت قبل كده، ده رزق ونصيب وتجربة مؤلمة جدًا نفسيًا وجسديًا... ده رزق زيه زي أي حاجة في حياتي».
برنامج 'أوضة ضلمة' تقدمه الإعلامية إنجي هشام على شاشة قناة 'هي' يوميًا خلال شهر رمضان من السبت إلى الخميس، في تمام الساعة الثامنة مساءً، وتستضيف خلاله عددًا من نجوم الفن والرياضة الذين يتحدثون عن نجاحاتهم ومسيرتهم المميزة.
