عمرو أديب عن مزايدات أرقام اللوحات المعدنية: "سيبوا الناس تنبسط"

كتب- محمد أبوالمجد:

علق الإعلامي عمرو أديب، على حالة الهجوم على المزادات على لوحات معدنية مميزة للسيارات والتي طرحتها الإدارة العامة للمرورة: قائلًا: 'سيبوا الناس تنبسط واللي عايز أرقام مميزة هو حر، اللي معاه فلوس تحيره يجيب أرقام مميزة، وأما بنعمة ربك فحدث'.

وقال 'أديب' خلال تقديمه لبرنامجه 'الحكاية' على فضائية 'إم بي سي مصر 2'، مساء الأحد، إن هناك تضارب حول الأرقام المعلنة، قائلًا: 'مش مصدق إن في مزايدة على لوحة معدنية لعربية توصل لـ 50 مليون جنيه.. طيب خليهم يدفعوا، ويكعوا، وناخد الفلوس نعمل بيها مشروعات صرف ولا مياه ولا مدارس ولا تروح أي جمعية خيرية'.

وتابع، أن اللوحات التي تحظى بشهرة هى التي تحتوي على رقم6 والرجالة بتميل للوحات اللي فيها ستات كتير والستات بتحب اللوحات اللي فيها رقم 1'.

وأردف 'أديب': 'كل واحد حر في فلوسه وإنت مالك، وكأنه اتبرع بقرشين، هو أخد الرقم واتبسط وإحنا أخدنا الفلوس عملنا بيها حاجة، بلاش تقعدوا للبشر على واحدة'، موضحًا أنه أول من نادى بالقيام بهذا الأمر، وفي أوروبا وأمريكا بيعملوا اللوحات باسم الشخص ويكون لكل لوحة ثمن معين يتم دفعه.

وأكد: 'المزاد على اللوحات المعدنية إجراء جيد لجمع أموال واستخدامها في مشروعات'.