بعد إعلان كوكاكولا.. محمد رمضان يثير غضب الجمهور بأغنية «مش فاضي»

طرح الفنان محمد رمضان، أحدث أعماله الغنائية بعنوان «مش فاضي»، عبر قناته على موقع الفيديوهات «يوتيوب»، ومختلف منصات الموسيقى الرقمية.

أغنية مش فاضي لـ محمد رمضان، من كلمات وألحان حازم إكس، ولم تحقق الأغنية مشاهدات مرتفعة، بل حققت 30 ألف مشاهدة فقط، منذ 12 ساعة من طرحها على «يوتيوب».

وجاءت كلمات أغنية مش فاضي، كالآتي: «عندي كاريزما طبيعي لا إرادي، بتشد اللي بيقفوا قصادي، من غير ما ألعب 'جيم' رياضي، بيرنولي بس أنا مش فاضي، مش فاضي مش فاضي، مش فاضي لكلامكوا الفاضي، مش فاضي مش فاضي، بصراحة كلكوا ع الفاضي، برافو يا رجالة ده إنتوا فصلتوني، ماشى زجزاج زاج زاج زاج، أول لما باجي ناس كتير بيجيلها لاج، ماشى زجراج زاج زاج زاج، أنا رجولة إنت بـ…….. ، مش فاضي مش فاضي».

أثارت كلمات أغنية مش فاضي لـ محمد رمضان، الجدل، لتنهال عليه العديد من التعليقات، والتي جاءت كالآتي: «احنا اللي فاضيين لك يا محمد كولا، بعد إعلان كوكولا إنت بقيت متسواش حاجة خسارة فيك حتى الكلام الفاضي، إحنا لازم نفهمه إننا بأدينا كل حاجة ياريت كل راجل جدع يعمله أن فولو»، «مش فاضي أسمعك».

وجاءت تعليقات أخرى: «أنت لسه هتغني وأنت عملت إعلان بدم أخواتنا»، «يعني أنت منزل الأغنية دي دلوقتي عشان تقول للناس اللي بتقول أنك بعت القضية، وأن كلامهم مش فارق معاك وأهم حاجه عندك الشهرة والفلوس».

أثار محمد رمضان غضب الجمهور، خلال الأيام الماضية، بسبب مشاركته في حملة إعلانية لصالح إحدى شركات المياه الغازية العالمية التي هي ضمن المقاطعة.

ونشر محمد رمضان عبر حسابه على موقع التواصل الاجتماعي على «إنستجرام»، الإعلان الخاص بالمنتج، وعلق: «إيه يا كوكاكولا بقى ده يا كوكاكولا.. أكتر من 100 سنة ونفس حلاوة كوكاكولا هي هي».