اخبار مصر
موقع كل يوم -الرئيس نيوز
نشر بتاريخ: ٨ نيسان ٢٠٢٥
أكد الإعلامي أحمد موسى أن الرئيس الأمريكي دونالد ترامب لا يري سكان قطاع غزة وما لحق بهم من إبادة جماعية، مشيرا إلى أنه لازال يتحدث عن تهجيرهم.
وقال “موسى” خلال برنامج 'على مسؤوليتي' المذاع على قناة 'صدى البلد': 'الرئيس الأمريكي ترامب كان عامل مؤتمر صحفي مع مجرم الحرب نتنياهو وترامب كلامه زي ما هو قال هنمشي الناس من غزة وقال في دول مستعدة أنها تستقبلهم وطبعا دي جريمة إذا حدث هذا الأمر فهي جريمة حرب'.
وأضاف: 'تهجير الفلسطينيين من أرضهم جريمة حرب وأي حد يقوم بهذا الأمر ويدفع الشعب الفلسطيني للتهجير فدي جريمة حرب'.
وتابع: 'ترامب قال هنغير اسم غزة وهنخليها منطقة الحرية، وبالتالي قالك سنطلق على غزة منطقة الحرية واللي هو 2 مليون دول هيمشوا وبقت البلد فاضية وحماس مش موجودة وقال دي منطقة جميلة جدا وتصلح للعقارات والأبراج والسياحة لما ميبقاش فيها حد'.
وواصل: 'تخيلوا رئيس دولة يتحدث بهذه الطريقة، رئيس دولة مش شايف أن في 2 مليون بني أدم بيموتوا كل دقيقة ولا فاكر أن في حد بيموت وبيتقتل ولا بيتكلم على الإبادة اللي بتتم، هو بيستقبل مجرم جنبه نتنياهو مجرم حرب'.
وأوضح: 'لما تيجي تشوف الكلام ده وأن كلام ترامب تغيير اسم غزة لمنطقة الحرية تبقى شايف إيه الحكاية اللي بتتم وتبقى شايف إحنا رايحين على فين، وبالمناسبة بكرة الآلاف من أبناء مصر رايحين قدام معبر رفح ضد التهجير وهيقعدوا هناك'.
واختتم: 'بكرة آلاف من المحافظات المصرية وبيجهزوا في الشرقية والغربية وسوهاج وأسيوط والمنيا والبحيرة بيتحركوا رايحين رفح آلاف المصريين هيباتوا هناك والصبح كده هتصحوا هتلاقوا آلاف واقفين قافلين الدنيا بيقولوا للعالم كله مفيش تهجير وندعم السيد الرئيس'.
