"أعتبر الزواج العرفي فترة خطوبة".. أجرأ تصريحات فيفي عبده

علقت الفنانة فيفي عبده، على موقفها من وفاة اثنين من أشقاءها في عام واحد، قائلة: 'وفاة اثنين اخواتي في سنة واحدة خنجر دخل في قلبي ومكنتش عايزة اشوف حد ولا اتكلم مع حد وكنت شغالة على مهدئات ونفسيتي كانت وحشة'.

وأضافت فيفي عبده، خلال حوار ببرنامج 'حبر سري'، مع الاعلامية اسما ابراهيم، على قناة القاهرة والناس، أن فقدان الأحباب والأشقاء احساس كان وحش قوي ونتمنى ربنا يشفي كل مريض ويرحم كل أمواتنا، مؤكدة أن الناس تعتقد أنها قوية ولكنها ترى أنها أضعف إنسان في الدنيا.

وتابعت: 'أنا أضعف إنسانة في الدنيا والقوة اللي بظهر فيها بأخذها من حب الجمهور وبيعطوني الطاقة أقف واقوام لكن ده حال الدنيا، ولما بيحصل كده من فقدان أهل بهرب وبفضل نايمة ومش عايزة حد يفكرني ولا يقولي البقاء لله ولا عايز أواجه حد والالم بيكون فظيع'.

وأكدت النجمة فيفي عبده، عدم وافقتها حالة رغبة حفيدتها في العمل بمجال الرقص، قائلة: 'لو حفيدتي طلبت ترقص أرفض وأيامي كان الرقص حاجة تانية وكان في احترام وكل الناس اللي قعدة تشاهد العروض مهمين ومش أي كلام وكان ناس ثقيلة ومحترمة'.

وأوضحت فيفي عبده، أن الجميع يفتي الان في مجال الرقص وحفيدتها وصلت لمرحلة علمية مميزة وتدرس سياسة واقتصاد، مضيفة: 'مش ممكن اسمح لها بده وهي اتعلمت وأنا اتبهدلت في الشغل عشان اوصل لمكانتي حاليا'.

واستكملت: 'الرقص الشرقي كان زمان له جمهور وقيمة عن دلوقتي وعشان كده متقليش ولا راقصة مصرية الان، وانا برقص في البيت، ومصر كانت مليانة راقصات ودلوقتي وكفاية المهاجمة للرقص طوال الوقت والكتاب يطلعوا أي واحدة عايزة تنحرف تبقى رقاصة ودي نقطة ضعف'.

و أكد النجمة فيفي عبده، أن جميع الأزواج لديهم نزوات ويخانون الزوجات، قائلة: 'الرجالة كلها بتخون واللي تقول مش بيخون وماشي على الصراط المستقيم مش صحيح، ولابد يكون الراجل عنده نزوات وبتبقى قمر وتتخان والمفروض تعمل نفسها مش عارفه'.

وأضافت فيفي عبده، أن الست لو واجهت الراجل بخيانته أكبر غلط لها في الحياة، متابعة: 'الحياة دلوقتي صعبة ونسبة الطلاق عالية جدا وهي حقها تفتش وراها وحقه يخلي باله من مراته ولكن الست لازم تفهم ولو عرفت أنه بيخونها تطنش'.

وتابعت: 'الراجل لو بيحب مراته يبيع أي حاجة في الدنيا عشانها لكن هي لازم تستحمل وتعدي، وكان في ناس تحاول تشككني في جوزي ولكن مكنتش بعطي فرصة لكده'.

وردت النجمة فيفي عبده، على انتقاد الموجهة للنجمات كبر السن التي تقرر الزواج في سن كبيرة، قائلة: 'هي الكبيرة متتجوزش وليه الكبيرة متتجوزش والناس المفروض متنتقدش، وفي ناس بتبقى محتاجة ونس في البيت واللي يجيب الونس الارتباط وفي ناس بتربي حيوانات ولما يكون معاك انسان تتكلم مع حد غير أنك كبرت وخلاص'.

وكشفت عن تلقيها عروض زواج بشكل يومي على منصات مواقع التواصل الاجتماعي، قائلة: ' كل يوم بيجي لى عرسان والكومنتات كلها طلبات زواج ولكن أنا ست متجوزة ولو أنا وحيدة اتجوز'.

وعبرت فيفي عبده، عن سعادتها بظهور النجمة الكبيرة نجاة في حفلة مؤخرا، مؤكدة: 'أنا فرحت جدا بظهور نجاة واللي بيبطل شغل بيتنسي ولو أنا مش في الميديا كنت اتنسيت وأنا بحب شغلي وصاحية لشغلي وعارفه ازاي ابقى موجودة'.

مينفعش حد يلمسني من غير جواز وأرفض الزوجة الثانية

وأكدت فيفي عبده، رفضها فكرة الزوجة الثانية وأن تكون زوجة ثانية وفي حالة معرفتها بأن زوجها متزوج غيرها لا تريد معرفة تفاصيل عن هذه الزيجة ولا مشاكلها، قائلة: 'مقدرش أكون زوج تانية ولو هو متجوز أنا مشوفهاش ولا اعرفها ولا عايز اعرف حاجة'.

وأضافت أنها حال معرفتها بأن زوجها متزوج قبلها تطالبه بعدم نقل أي تفاصيل مشاكل لها، متابعة: 'أنا مش بدور على الراجل ولكن هو اللي بيدور عليا ومتسمعنيش أي مشكلة لحد ولا عايز اعرف غير انك رجلي وجوزي'.

وأكدت فيفي عبده، اعترافها بالزواج العرفي واعتبارها لهذه الفترة فترة خطوبة، قائلة: 'اعترف بالجواز العرفي لأني مخليش الراجل يلمسني إلا لما يتجوزني واعتبرها فترة خطوبة وبعدين اكتب كتاب رسمي، وكل اللي اتجوزتهم محترمين وحظي كان كويس'.