هشام ماجد يكشف لأول مرة سبب انفصال أحمد فهمي عن الثلاثي ويؤكد "مش هنرجع مع بعض تاني أبداً"

حل نجم الكوميديا هشام ماجد ضيفاً على برنامج 'أسرار' الذي تقدمه الإعلامية أميرة بدر على قناة 'النهار'، وكشف خلال اللقاء العديد من الأسرار والأخبار التي تذاع لأول مرة، ومنها السبب الفعلي لانفصال أحمد فهمي عن الثلاثي (فهمي وماجد وشيكو)، الذين قدموا مجموعة من أفضل الأعمال الكوميدية خلال السنوات الأخيرة.

وعن بداية الثلاثي قال هشام ماجد 'لما عملنا ورقة شفرة كان كل واحد بيشتغل جنبه شغلانة مختلفة، وكنا سايبنها على الله، واول واحد ادالنا فرصة هو محمد حفظي، واول حاجة عملناها كانت أفيش وتقفيش، كنا بناخد على الحلقة على الكتابة 800 جنيه وتمثيل 300 جنيه، وشيكو كان رافض الشغل معانا وكان عايز يكمل مهندس، وهو كان عنصر مهم جدًا، وهو اقوى واحد فينا في التمثيل'.

أما الحدث الأهم الذي أحزن عشاق الثلاثي، وهو انفصال أحمد فهمي، حكى هشام ماجد تفاصيل الانفصال وأسبابه منذ البداية بقوله 'احنا صحاب من الجامعة، ولما جينا نعمل الرجل العناب فيلم، بعد ما عملناه مسلسل خلاص، اتفقنا ان احمد فهمي هو اللي هيكتب هو وشريف نجيب بس، عشان ميحصلش مشاكل، ولما فهمي كتب الفيلم، انا وشيكو كنا عندنا اعتراضات على الفيلم، وفهمي شاف ان ده عدم تقدير له، فـ قفشنا في الجزء ده، وقررنا اننا منعملش الفيلم سوا، وفهمي قرر انه ينفصل ويشتغل لوحده'.

وتابع 'كان بقالنا كتير بيحصل خناقات بس ومبتبانش للناس، وطول الوقت كان فيه اختلافات، ومفيش فرقة مبيحصلش فيها اختلافات، ومحدش بيكمل، وقليل اللي بيكمل، يعني بيتلز مكملوش، واما حصل نفس الكلام، وبرضو بنتخانق انا وشيكو بس مبتوصلش اننا ننفصل، وممكن نشتغل مع بعض احنا التلاتة، بس منرجعش نبقى فرقة تاني، لان خلاص كل واحد عمل شغل لوحده ونجح'.

جدير بالذكر أن أخر أعمال النجم هشام ماجد كان مسلسل 'أشغال شقة' الذي عرض في رمضان الحالي، والمسلسل مكون من 15 حلقة وحقق نجاحاً كبيراً لدرجة ترشيحه ليكون أفضل مسلسل كوميدي هذا العام.

المسلسل شارك في بطولته النجم الصاعد مصطفى غريب، والنجمه أسماء جلال، وشرين، محمد عبد العظيم، سلوى محمد علي، المسلسل من تأليف خالد وشرين دياب، ومن إخراج خالد دياب.