شوبير يُحذّر من خطر قادم يواجه الدوري المصري.. ما القصة؟

كشف الإعلامي أحمد شوبير حارس مرمى الأهلي ومنتخب مصر السابق عن خطر قديم عاد لتهديد الدوري من جديد في الموسم الجاري على الرغم من تغيير نظام المسابقة.

وقال شوبير في تصريحات إذاعية اليوم الثلاثاء: 'بدأت أقلق على بطولة الدوري هذا الموسم مرة تانية لأننا مش هنلعب غير جولة واحدة في شهر مارس وبعد كده مفيش دوري'.

وأضاف: 'هتقول لي تقلق ليه يا عم ما الدنيا مريحة، هقول لك الدوري كده احتمال يقف في شهر مارس كله يادوب جولة لغاية يوم 5 مارس وبعد كده يقف وهيكون فيه مباريات كأس مصر لغاية نصف النهائي'.

وتابع شوبير: 'بعد كده فيه أجندة دولية من يوم 17 ليوم 25 عشان فيه مباريات لمنتخب مصر مباراتين مهمين جدا أمام إثيوبيا وسيراليون، هتقول لي إثيوبيا مهمة يا كابتن، آه أي مباراة بالنسبة لي مهم، إثيوبيا دي قبل كده كسبتنا 2-0 وهددتنا بالخروج من بطولة إفريقيا، لكن لو كسبنا المباراتين دول هنكون بنسبة 80 في المائة في كأس العالم'.

وأتم تصريحاته: 'بعد نهاية الأجندة الدولية نقول مثلا 3 أيام وترجع على نهاية مارس يعني، وبعدها هتكون مباريات للأندية الأهلي والزمالك والمصري وبيراميدز في دوري أبطال إفريقيا والكونفيدرالية من أول أبريل حتى 10 أبريل، فالدنيا مش واضحة والدنيا ملخبطة بالنسبة لبطولة الدوري'.

تنطلق اليوم الثلاثاء 11 فبراير 2025، منافسات الجولة الثالثة عشر بالدوري المصري، بإقامة 3 مواجهات، بينما تستكمل باقي منافسات الجولة غدا، الأربعاء بإقامة أربعة مباريات، على أن يكون مسك الختام الخميس المقبل

بتروجت & سموحة.. الرابعة عصرا (ستاد الكلية الحربية)

فاركو & الزمالك.. الرابعة عصرا (ستاد برج العرب بالإسكندرية)

الأهلي & غزل المحلة.. السابعة مساء (ستاد السلام).