"الأهلي مش محتاج مجاملة".. إبراهيم سعيد يفتح النار على الحكم محمد معروف

كتب ـ محمد الميموني:

تحدث لاعب الزمالك السابق ومقدم البرامج الحالي، إبراهيم سعيد، عن أزمة الحكام وقراراتهم الخطأ في مباريات الدوري المصري الممتاز.

وقال إبراهيم سعيد عبر قناة 'النهار': 'في ضربة جزاء واضحة للاتحاد السكندري ومتحسبتش وفي ناس هتقولك ديه جت في كتفه زي ما قال كابتن أحمد الشناوي لكن هي ضربة جزاء تحتسب، انا مدافع وعارف'.

وأضاف: 'كابتن محمد معروف عنده أخطاء كثيرة ومتردد في قراره ومفيش توافق بينه وبين غرفة الفار'.

وأوضح: 'النادي الأهلي مش محتاج مجاملة بتاريخه ولاعيبته الموجودة دي كلها، ومش عارف إزاي مقدرش يكسب'.

واختتم: 'لازم مارسيل كولر يراجع حساباته مع الفرقة والتغيرات اللي اتعملت لصالح الأهلي نازله متأخرة، ورضا سليم بيلعب بالشكل الجمالي لكن انا بحب اللاعب المهاري يجيب أجوال مش يرقص على الفاضي'.