"فرصة كنت مستنيها".. خالد الصاوي يكشف كواليس شخصيته في مسلسل "صدفة"

كتب - معتز عباس:

أعرب الفنان خالد الصاوي، عن سعادته بكونه ضمن فريق عمل مسلسل صدفة، مضيفا: ' أنا يعني ماليش بركة غيركم وبشتغل دايما ونفسي أقدم أحسن حاجه للناس وربنا يكرمنا.. الحمد لله جت فرصة المشاركة في صدفة بالنسبة لي يعني حاجه هايله أنا كنت مستنيها بقي شويه، ومفيش أحسن من التوليفة دي المقدمة من إخراج وتأليف وإنتاج'.

وكشف 'الصاوي'، خلال مداخلة هاتفية ببرنامج 'الحياة اليوم'، مع الإعلامية لبنى عسل، على قناة 'الحياة'، الأربعاء، عن تفاصيل دوره في مسلسل 'صدفة'، قائلا: 'أنا بجسد دور مصفف شعر له ماضي عجيب وحاضر أعجب، وتفاعله مع الأحداث في المسلسل غير متوقع، وأنا مبسوط بالجو بتاع العمل والشخصية أوي'.

وقال، إن الدور الذي يقدمه في مسلسل 'صدفة' هو جديد ومختلف، متابعا: 'بقالي فترة بتشتغل بنص امكانياتي فترة معملتش فرقعة جامدة، عشان كدة الناس عايزة تشوف منك حاجة جديدة ومختلفة'.

مسلسل 'صدفة' من المقرر عرضه في رمضان المقبل 2024 على شاشة فضائية 'الحياة' بطولة النجوم ريهام حجاج، خالد الصاوى، عصام السقا، ميار الغيطى، وتأليف أيمن سلامة وإخراج سامح عبد العزيز.

محمد إمام يغني مع كزبرة مهرجان 'عليا الطلاق كله بيكدب' أثناء تصوير مسلسل 'كوبرا'