أحمد موسى: "زيادة السولار بترفع سعر كل حاجة وبيان وزارة البترول متأخر"

أكد الإعلامي أحمد موسى أن زيادة سعر السولار يؤدي إلى الزيادة في أسعار كافة السلع الأخرى الموجودة في الأسواق.

وقال موسى خلال برنامج 'على مسؤوليتي' المذاع على قناة 'صدى البلد': 'أنا وقفت قدام السولار والسولار ده أي اقتراب منه معاه زيادة في الأسعار، في حاجات زادت امبارح وقالولي السولار ومحدش يقول مفيش حاجة زادت لا الحاجات زادت وده الطبيعي واللي يقول غير كده يبقي غلط '.

وأضاف: 'لازم مع نفسها ومع الناس يبقي عنده رؤية واضحة مفيش حد لا في مصنع ولا شركة هيتحمل أي زيادة، هيحملها على الباشا المواطن زودت السولار هيزيد طبيعي سولار يضرب في كل حاجة'.

وتابع: 'وزارة البترول طلعوا بيان امبارح وهو بيان متأخر، وزارة البترول تسبق أي حد احنا خدنا قرار طلع بيان وأبقى صريح مع الرأي العام وزارة البترول بتقول لا مصدر حكومي ولا حاجة'.

وواصل: 'الناس زعلانة ولازم نقول ده بشكل واضح على الهواء مفيهوش حد يخبي ولازم نطلع نقول ايه اللي خلانا نغير ما بين الأربع لصباح الجمعة والأربع مكانش في كلام عن أن هيكون في زيادة'.

وأوضح: 'لو في حاجة في البيان ده ممكن تتشاف سطر واحد كما أنه لن يتم دراسة تغيير الأسعار الحالية قبل الستة أشهر المقبلة ودا السطر الوحيد طبقا للبترول أن لا زيادات ومفيش لجنة هتنعقد ألا في شهر أكتوبر وعليكم خير'.

وأكمل: 'عندنا لجنة إن شاء الله في شهر أكتوبر ودا طبقا لبيان وزارة البترول، يبقي أنت خدت اتنين في واحد هي كده يعني بدل ما هتعملها كل 3 شهور عملت الشهر ده وإن شاء الله نروح لأكتوبر'.

وذكر: 'رئيس الوزراء قالنا من سنة ونص إننا واخدين إجراءات حتى نهاية 2025 الرفع عشان نوصل إلى سعر التكلفة'.

واختتم: 'كل حاجة زادت 2 جنيه وهي قطعية واحدة 2 جنيه على الكل مرة واحدة حصلت، كمان البوتاجاز يا جماعة 50 جنيها'.