مصطفى بكري: إسرائيل لديها انزعاج من تنامي القوة العسكرية المصرية

أكد الإعلامي مصطفى بكري أن رئيس الوزراء الإسرائيلي بنيامين نتنياهو يرى أن إسرائيل وجدت لليهود فقط ولا يوجد شعب فلسطيني.

وقال بكري خلال برنامج 'حقائق وأسرار' المذاع على قناة 'صدى البلد': 'كان يحلم كما يقول بأن يجعل سيناء عاصمة للدين اليهودي ولذلك كان يرى بضرورة استرداداها ويطالب بضرورة تعزيز الطابع اليهودي للدولة الإسرائيلية باعتبار أن إسرائيل وجدت لليهود فقط وأنه لا يوجد شعب فلسطيني أو هوية فلسطينية'.

وأضاف: 'عايز أفكركم بكلام موشى شاريت رئيس الوزراء الإسرائيلي الأسبق اللي قال إن إسرائيل موجودة كنقطة في بحر من الكراهية ولا يمكن لإسرائيل أن تبقى إلا بتدمير جيوش 3 دول عربية وهي العراق وسوريا ومصر'.

وتابع: 'كلنا شوفنا اللي حصل في العراق وسوريا وإسرائيل بتخطط للصدام العسكري مع مصر، الحملات الإسرائيلية المتتالية ضد مصر والمتصاعدة اللي انتوا بتشوفوها من الإعلام لمندوب إسرائيل في الأمم المتحدة لرئيس الأركان ووزير الدفاع عاوزين إيه بالظبط؟ أقولكم عاوزين ايه'.

وأوضح: 'أولا هناك انزعاج إسرائيلي شديد من تنامي القوة العسكرية المصرية، الرئيس السيسي منذ تولي منصب وزير الدفاع وهو يعيد تسليح الجيش المصري من الشرق والغرب، وبعض الناس كانوا يتساءلوا هو إحنا بنجيب السلاح ده ليه؟ مكانوش عارفين أن السلاح ده لحماية أمنك واستقرار وحدود بلدك هو سلاح للردع مش للهجوم'.

وأكمل: 'العدو لما يعرف أنك متسلح كويس هيفكر ألف مرة عشان كدة إسرائيل في حالة رعب لأن عندها مخطط كبير وهي عايزة تحيد الجيش المصري أوعوا تفتكروا أن الحملات على تسليح الجيش دي مجرد كلام ولا الخونة اللي بيتحركوا في إطار هذا الأمر بيتحركوا من عندهم دول مجرد أدوات'.

وذكر: 'الحملات دي بداية بكرة هنشوف وحطوا سيناريوهات قدامكم وشوفوها بكرة تحصل أو لا اتفاق أمريكي إسرائيلي ضد مصر ضد الجيش المصري ومحدش عارف أيضا في الفترة دي الأمور هتودي لفين'.

واختتم: 'لازم نعرف بكرة هيطلعولنا في لعبة تانية ويكرروا سيناريو العراق ويقولك عندكم سلاح دمار شامل متستبعدوش حاجة الكلام اللي بنقوله ده قبل كده في العراق محدش كان متصور أن هيحصل حاجة'.