عمرو أديب: عايزين مجلس نواب له أنياب وأظافر

أكد الإعلامي عمرو أديب أن مصر مقبلة على انتخابات مجلس النواب في نوفمبر المقبل، مشيرا إلى أن المجلس الحالي لم يكن يقوم بدوره في تقويم الحكومة.

وقال أديب خلال برنامج 'الحكاية' المذاع على قناة 'إم بي سي مصر': 'المجلس اللي فات كان دوره واضح في إقرار القوانين، ولكن مجلس النواب الموجود في مصر يشعر أن دوره هو مكمل للحياة السياسية في مصر وده نظريا صحيح، في سلطة تنفيذية بتبعت لك قوانين تدرسها وتوافق عليها'.

وتابع: 'مجلس النواب اللي مفروض يبقي موجود محتاجين نشوفه في الدولة القادمة، خلاص الدورتين اللي فاتوا وكانت البلد بتقف على رجليها وكان في قوانين تتعلق بالتشغيل واللاجئين انما لن نرى دورا وبصراحة نفسي يبقي عندنا مجلس نواب له أنياب وأظافر'.

وتابع: 'نفسي المجلس يكون ليه تدور تقويمي للسلطة التنفيذية، لم يكن المجلس المكان اللي صد عننا مشاكل كثيرة، عدد النواب 596 وفي 28 عضوا معينا من رئيس الجمهورية'.

وأكمل: 'حزب مستقبل وطن حزب الأغلبية بنسبة 52% وبعديه الشعب الجمهوري والوفد وحماة وطن والناس دي وصلت لمقاعدها ازاي؟ أن في شبه نتوافق مع بعض عشان ندخل المجلس'.

وواصل: 'في عنصر جديد أولا هل هيكون في قانون انتخاب جديد؟ طيب امتى بعد أربع 5 شهور الناس هتنتخب وفي عنصر جديد هو حزب الجبهة الوطنية والحزب ده هيبقي دوره ايه؟ هل داخل أغلبية معرفش، هل داخل يتوافق مع مستقبل وطن؟ معرفش هل مستقبل وطن هيظل ميهمن على مجلس النواب؟ معرفش'.

وذكر: 'احنا عندنا نظام جميل أوي الحزب ملوش دعوة بالحكومة ولكن بيوافق على حاجات الحكومة، يا جماعة نحتاج إلى حياه حزبية'.

واختتم: 'عايزين انتخابات قوية ونواب ليهم قاعدة على الأرض، انا مبقولش أن اللي موجودين ملهمش ولكن بقول عايزين دا اكتر ولا ناوين تدخلوا توافقات'.