أول رد من "الداخلية" على ادعاء أحمد دومة بتتبع فرد أمن له داخل دار الأوبرا

كشفت الأجهزة الأمنية بوزارة الداخلية عن ملابسات منشور مدعوم بصور نشره أحد الأشخاص بحسابه الشخصى بمواقع التواصل الإجتماعى يتضمن الإدعاء بقيام شخص يحمل سلاح نارى بتتبعه داخل دار الأوبرا المصرية بمنطقة الزمالك بالقاهرة وتصويره خلال تحدثه مع أصدقائه.

بالفحص تبين أن الشخص الظاهر بالصور فرد شرطة من قوة إدارة البحث الجنائى بقطاع شرطة السياحة والآثار، وكان متواجد بمكان خدمته بساحة دار الأوبرا ضمن خدمات تأمين فعاليات مهرجان القاهرة السينمائى الدولى المنعقد حاليًا بدار الأوبرا المصرية، كما تبين عدم صحة قيامه بتتبع هذا الشخص أو آخرين أو تصويرهم.

وجارى اتخاذ الإجراءات القانونية حيال تلك الادعاءات.

وكان الناشط السياسي أحمد دومة ادعى أن شخص -مسلّح- واثنين آخرين بيتتبّعوه في كل خطوة داخل دار الأوبرا، من أوّل وصوله للبوابة، بشكل يشكّل تهديد لسلامته وحياته.

وقال دومة في منشور عبر صفحته على 'فيس بوك': “نفس الشخص ده صوّر بعض الأصدقاء اللي وقفوا معايا او سلّموا عليّ بين العروض، أو حتى ناس ما أعرفهاش شخصيًّا جت تسلم عليّ، ولما خرجت بالعربية امبارح لبعض الوقت تتبعني واحد منهم على موتوسيكل ورجع معايا للعرض اللي بعده، واستلموني ثاني”.

وتابع: 'كلّمت أصدقاء ومحامين وحقوقيين وغيرهم، بعضهم كان موجود في الأوبرا وشاهد على تتبعهم ليّ- ونشرت بوست مجهّل لعلّ ده يلفت انتباههم فينسحبوا، لكن اللي حصل العكس: كان واحد وانضم له اثنين كمان. ما أعرفش دول مين ولا إيه سبب وجودهم بالصورة التهديدية دي (لما بابص لهم أو أحاول أصورهم أو أشاور لحد عليهم بيلفوا وشهم ويحاولوا يستخبّوا)،

خاصةً أن وجودهم في مكان مليان مدنيين جايين يشوفوا أفلام، وده مش بس تهديد ليّ ولأصحابي، لكن لكل الموجودين.

لكن ده بلاغ للنيابة العامة للتحقيق واتخاذ الإجراءات اللازمة'.