من أصغر حد لأكبر حد.. أحمد فهمي يوجه رسالة إلى فريق مسلسل "في لحظة"

وجه الفنان أحمد فهمي، رسالة عبر فيديو نشره على صفحته الشخصية بموقع التواصل الاجتماعي إنستجرام، إلى فريق عمل مسلسل 'في لحظة'.

وعلق أحمد فهمي على الفيديو يشكر كل فريق عمل مسلسل “في لحظة” وقال: “اولاً كل سنه وانتوا طيبين و يارب رمضان يكون شهر الخير علينا كلنا يارب .. مبسوط اني السنادي بشارك في رمضان بمسلسل قريب جداً من قلبي و هو مسلسل في لحظة”.

وتابع أحمد فهمي “و عايز اشكر كل الفنانين و العاملين في المسلسل من اصغر حد لأكبر حد ..المنتجة الشاطرة الفاهمه اختي سالي والي اخويا الشاطر الفاهم صاحب الرؤيا المختلفه و اللي خلاني أتغير تماما و اعمل حاجات في المسلسل مختلفه عني الاستاذ احمد خالد”.

وأكمل: “المبدع الذكي الكاتب الكبير اللي مكنتش بحتاج شرح عشان نفهم بعض الاستاذ هشام هلال، اول مره اشتغل أنا و ميرنا نور الدين حقيقي ممثلة شاطره و مجتهدة و ذكيه و بتحب شغلها و الكيميا بنا ان شاء الله تحسوها مبسوط اننا بنشتغل سوا السنادي”.

وأضاف: “نجلاء بدر بجد ممثله مبدعه و دورها صعب جدا بس عشان شاطره عملته بطريقة ممتعه و سهله بدون اي تصنع، ادوارد اخويا اللي بجد السنادي مختلف تماما عن اي حاجه عملها قبل كده و مبسوط اننا بنشتغل سوا من بعد خليج نعمه فيه بقي مجموعه من الممثلين اللي بجد كنت منبهر بالموهبة و الشطاره و بجد مبدعين مين هما بقي “ احمد ماجد - ساره الشامي - يوسف عثمان - جالا هشام - يوسف وهبي - أيسل - ملك بدوي- بتول حداد - سالي فتاح ”والأستاذة الكبيره العظيمة صفاء الطوخي، وطبعاً اخويا اللي اتشرفت بوجوده نور محمود، اختي الشاطره الستايلست الجامده ندي حسام”.

وأتم: 'رجالة الانتاج الجامدين قوي مصطفي غازولي و علي علام و أسامة و ياسين، و اخواتي اللي في ضهري شريف و محمد و احمد و زيزو و احمد و غرام، و اخيرا عايز اشكر مدير التصوير البوب اللي عامل صورة مش طبيعية علي الحلاوه و الشطاره، ربنا يكرمنا و المسلسل يعجبكوا ..رمضان كريم'.

كشفت الشركة المنتجة لمسلسل 'في لحظة'، عن البرومو الرسمي للعمل المقرر عرضه في موسم دراما رمضان 2025.

وظهر الفنان أحمد فهمي ، خلال البرومو في شخصية 'سيف الزيني' حيث جمعته مشاهد رومانسية مع 'فريدة' والتي تقوم بدورها الفنانة ميرنا نور الدين، وأوضح الإعلان العديد من الصراعات التي يخوضها 'الزيني' ضمن أحداث المسلسل.

يذكر أن مسلسل 'في لحظة' يتكون من 30 حلقة، وتدور أحداثه في إطار درامي مشوق يجمع بين الرومانسية والانتقام، والخط الفاصل بين الحب والكراهية، حيث تؤدي لحظة خيانة واحدة إلى سلسلة من الأحداث المتسارعة.

مسلسل 'في لحظة' هو أحدث أعمال'Tod' الأصلية، وتنتجه شركة 'S Productions' لسالي والي، وهو من بطولة أحمد فهمي، وميرنا نور الدين، نجلاء بدر، إدوارد، صفاء الطوخي، نور محمود، أحمد ماجد، عماد رشاد، يوسف عثمان، جالا هشام، آيسل رمزي، سارة الشامي، يوسف وهبي، وتأليف هشام هلال وإخراج أحمد خالد.