زينة في أحدث ظهور لها: هذه هي الحياة تفاءلوا

لفتت الفنانة زينة الأنظار في أحدث ظهور لها عبر حسابها على إنستجرام، حيث شاركت صورة مميزة لها وعلقت عليها برسالة تحمل الكثير من التفاؤل والواقعية قائلة: “هناك السيئ، هناك الجيد، هناك الشيء الجيد في السيئ، هناك الشيء السيئ في الجيد، هذه هي الحياة تفاءلوا ”.

وتصدرت الفنانة زينة محركات البحث بعد تصريحاتها المؤثرة حول رحلتها مع أبنائها ودورها كأب وأم في حياتهم. تحدثت زينة عن الصعوبات التي مرت بها أثناء ولادتها في الغربة وكيف عاشت تحديات صعبة في ظل ظروف صحية قاسية تعرض لها أبناؤها بعد ولادتهم.

قالت زينة: “أنا شوفت في حياتي حاجات محدش يقدر يتجاوزها، ولادي اتولدوا تعبانين وكل يوم كنت بكتشف فيهم مرض جديد”.

 كما أوضحت موقفًا صعبًا تعرضت له في المستشفى حيث ظن الطاقم الطبي أنها تعاني من اضطرابات نفسية بسبب شدة تعلقها بأبنائها وخوفها عليهم، مما دفعهم لاستدعاء دكتورة نفسية ومترجمة. واختتمت بقولها: “المترجمة قالت لهم إني ممثلة مشهورة، ودخلوا على جوجل عرفوني”.

وأوضحت زينة : 'هو ده الحب الوحيد اللي بتدي فيه وأنت مش عايز مقابل، أنا مش مستنية منهم حاجة.. ابني ساعات بيقولي مثلا لما تكبري ولما تحتاجي مش عارف إيه يا مامي لازم تعمليلي كذا فبقوله يا حبيبي أنا مش عايزة منك حاجة، قالي طب لو تعبانة؟ قولتله سيبني أنا مش عايزة منك حاجة وأنا بربيهم لله، بربيهم علشان ربنا وعلشان بحبهم، ربنا حط حب ليهم في قلبي غير طبيعي، أنا مشوفتش حد كده، أنا ممكن اتخانق مع عيال صغيرة علشانهم وبخاف على عيالي من المرض، صحتهم ضعيفة يعني مش عيال أقوياء علشان اتولدوا 7 شهور، وعندهم نوع انيميا صعب شوية، وبيلعبوا رياضة على طول بس بيتكسروا بقى».

وأشارت زينة الى أسلوبها فى تربية أولادها قائلة : 'اللي ماترباش على حاجة مايعرفش هو فقد اية، ممكن اللي فقدوه مش حلو يمكن عوض ربنا أحسن ويمكن ربنا يعوضنا بالأهم والأحسن مستقبل وحياة.. مش لازم التعويض يبقى في نفس الصورة وأنا واحدة من الناس بشوف نفسي قوية وأنا أقدر أسد خانة الأب والأم، مدام هما مش ناقصهم حاجة يبقى هيفكروا ليه في حاجة مش موجودة، حاجة مش مهمة أو حاجة محسوش بأهميتها، بس في الآخر عارفين كل حاجة، أنا عايزة الناس تطمئن هما عارفين كل حاجة.