هشام ماجد يكشف كواليس التحضير لفيلم برشامة: "كنت المفروض أصوره من زمان"

كشف الفنان هشام ماجد عن كواليس التحضير لفيلمه الجديد برشامة، قائلا: 'أنا من زمان بحب فيلم برشامة لأني أول ما أتعرفت على خالد دياب قرأت معالجة الفيلم ده ومعالجة أشغال شقة، وقولتله أنا هعمل الاتنين دول، وكان المفروض أصور الفيلم ده من زمان'.

وأضاف في تصريحات تليفزيونية: “عبقرية الفكرة في بساطتها، قد إيه الفكرة بسيطة بتتكلم بس على لجنة امتحان وعبقرية خالد دياب والتصوير قدروا يخلوا الناس ميحسوش بالملل في الجزء ده، وكان الإيقاع سريع جدًا، فأنا بشكر خالد وشيرين دياب وأحمد الزغبي لأنهم عملوا مجهود كبير جدًا في كتابة الفيلم ده”.

كما وجه هشام ماجد الشكر للنجوم الذين شاركوه في بطولة فيلم برشامة، قائلًا: “بشكر أصدقائي نجوم مصر اللي كسروا الدنيا في رمضان ريهام عبد الغفور وباسم سمرة وحاتم صلاح وفاتن سعيد وميشيل ميلاد، والفيلم مليان بالنجوم وكان في تناغم كبير بينا، أنا سعيد بالفيلم ورد فعل الناس والإيرادات وسعيد بكل حاجة”.